Mílanó-liðin töpuðu stigum

Roma og AC Milan gerðu jafntefli, 1-1, í stærsta leik helgarinnar í ítalska boltanum en Inter tapaði stigum í dag.

Krzysztof Piatek skoraði fyrsta mark leiksins fyrir AC Milan á 26. mínútu eftir stoðsendingu frá Lucas Paqueta en Piatek hefur verið öflugur eftir komuna til Milan frá Genoa.

Þannig stóðu leikar í hálfleik en á fyrstu mínútu síðari hálfleiks jafnaði Nicolo Zaniolo metin fyrir Roma. Lokatölur 1-1 en Roma er er í fimmta sætinu með 35 stig. Milan er í fjórða sætinu með 36 stig.

Inter Milan tapaði 1-0 gegn Bologna á heimavelli en sigurmarkið skoraði fyrrum framherji FCK, Federico Santander. Inter er í þriðja sætinu með 40 stig en Bologna er í átjánda sætinu, fallsæti.