Erlent

Tveir skotnir til bana fyrir utan nætur­klúbb í Sví­þjóð

Atli Ísleifsson skrifar
Lögregla hefur yfirheyrt fjölda manns vegna málsins.
Lögregla hefur yfirheyrt fjölda manns vegna málsins. Getty

Tveir eru látnir eftir skotárás fyrir utan næturklúbb í sænsku borginni Norrköping í nótt.

Sænskir fjölmiðlar segja lögreglu vera með mikinn viðbúnað á staðnum og að búið sé að girða af stórt svæði. Lögregla hefur yfirheyrt fjölda manns vegna málsins.

Tilkynning um skotárásina barst inn á borð lögreglu klukkan á öðrum tímanum í nótt að staðartíma. Átti árásin sér stað fyrir utan skemmtistað á Slottsgatan í miðborg Norrköping, um 150 kílómetrum suðvestur af höfuðborginni Stokkhólmi.

Sænskir fjölmiðlar segja að í upphafi hafi borist fréttir um að tveir karlmenn, 45 ára og 40 ára, hafi særst í árásinni. Snemma í morgun greindi lögregla svo frá því að þeir hafi látist af völdum sára sinna.

Enn hefur enginn verið handtekinn í tengslum við árásina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.