Lífið kynningar

Siggi Hlö málar bæinn rauðan og hjónaherbergið líka

Múrbúðin kynnir
„Verðmunurinn er lygilegur." Siggi Hlö kannaði verð á málningu í sex stærstu málningaverslunum landsins.
„Verðmunurinn er lygilegur." Siggi Hlö kannaði verð á málningu í sex stærstu málningaverslunum landsins.

„Þetta eru nú ekki stórar framkvæmdir. Mér finnst meira gaman að dútla svona smávegis í einu frekar en að taka stórar rassíur. Við bara vöknuðum einn morguninn í síðustu viku og konan mín nefndi þetta, hvort það væri ekki gaman að skipta um lit í herberginu. Og þá fór ég á stúfana. Svona bras er skemmtilegt, það heldur manni ungum að hafa eitthvað fyrir stafni. Það er heldur ekki eins og þetta sé einhver kostnaður ef maður gerir svona lítið í einu og fer á réttu staðina. Ég er að gæla við að þessi 9 lítra fata dugi á allt herbergið, hún kostar skitnar 7.190 krónur. Það er auðvitað hægt að fara á hina staðina og þar sem lítraverðið er kannski 1.500 eða 2.000 kall en það eru bara peningar út um gluggann. Ég er ekki viss um að fólk átti sig á verðmuni á málningu milli verslana.“

Lagði ekki í leikfangarautt

Margir hefðu kannski valið hlutlausari lit á herbergið en rauðan. En Siggi Hlö verður víst seint kallaður hlutlaus einstaklingur.

„Það er alltaf þessi fína lína, maður vill ekki vera alveg nákvæmlega eins og allir hinir en samt þarf þetta auðvitað að vera smekklegt. Við erum ekkert að tala um leikfangarauðan, það hefði orðið ansi glannalegt. Hvetjandi kannski, en ekki fallegt. Ég fór með þessa hugmynd til snillinganna í Múrbúðinni og þar skildu auðvitað allir hvað ég var að fara. Ég fékk bara fullt af prufum og gat farið með þær heim og mátað á alla kanta og hugsað málið.“

Er einhver ástæða fyrir því að Siggi fór í Múrbúðina? „Verðið, fyrst og fremst. Ég skoðaði verð á sambærilegri málningu á sex stöðum í borginni og verðmunurinn er lygilegur. Ég hélt í alvörunni að þetta væri bara eitthvað grín. Þetta er bara eins og að velja á milli þess að borga 400 kall fyrir pylsu með öllu eða 1.000 kall á næsta stað. Galið, gersamlega galið!“

Taktu þátt í leik og þú gætir unnið inneign

Siggi Hlö fór á stúfana og kannaði lítraverðið á innimálningu með gljástig 10 hjá sex af stærstu málningarverslunum landsins. Eitt verð skar sig áberandi frá hinum þó svo að hann hafi alltaf leitað að ódýrasta kostinum og jafnvel tekið auglýstan afslátt með í dæmið þar sem við átti.

Giskaðu á hvaða lítraverð hann fékk í Múrbúðinni hér fyrir neðan og þú ferð í pottinn. Einn heppinn giskari hlýtur inneign að verðmæti 100.000 króna í Múrbúðinni og 10 að auki fá 10.000 króna inneign.

Þessi kynning er unnin í samstarfi við Múrbúðina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.