Fótbolti

„Sterling er átrúnaðargoðið mitt“

Ingvi Þór Sæmundsson skrifar
Sterling og Hudson-Odoi ræðast við.
Sterling og Hudson-Odoi ræðast við. vísir/getty

Callum Hudson-Odoi lítur mikið upp til samherja síns í enska landsliðinu, Raheems Sterling og segir hann mikla fyrirmynd.

Sterling hefur verið mikið í fréttum í vikunni eftir rifrildi þeirra Joes Gomez á landsliðsæfingu á mánudaginn. Þeim lenti fyrst saman í leik Liverpool og Manchester City á sunnudaginn og Sterling. Sterling hefur beðist afsökunar á málinu.

Sterling mun ekki spila með enska landsliðinu gegn Svartfjallalandi í undankeppni EM 2020 annað kvöld vegna uppákomunnar. Gareth Southgate hætti hins vegar við að henda Sterling út úr landsliðshópnum.

Hudson-Odoi gæti fengið tækifæri í byrjunarliði enska liðsins í fjarveru Sterlings, sem hann hefur mikið álit á.

„Hann er átrúnaðargoðið mitt. Hann spilar sömu stöðu og ég og ég vonast til að feta í hans fótspor. Ég vil læra af honum,“ sagði Hudson-Odoi.

„Hann er mjög fínn náungi og mjög hvetjandi. Ég bjóst ekki við því að hann væri svona indæll þegar ég kom fyrst inn í landsliðið.“

Hudson-Odoi, sem er 19 ára, hefur leikið tvo A-landsleiki fyrir England.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.