Sportpakkinn: Dramatík í Krikanum
Það var mikil dramatík þegar FH og Stjarnan skildu jöfn, 26-26, í Kaplakrika í Olís-deild karla í gærkvöldi.
Stjarnan spilaði frábæran varnarleik í fyrri hálfleik og FH-ingar réðu lítið við framliggjandi vörn gestanna úr Garðabænum.
Ólafur Bjarki Ragnarsson fór mikinn í liði Stjörnunnar, skoraði glæsileg mörk og gestirnir voru yfir að loknum fyrri hálfleik, 13-17.
FH náði betri takti í seinni hálfleik, náðu að jafna metin og komast yfir, 23-22. Ólafur Bjarki fór meiddur af velli í stöðunni 24-24, þegar rétt um sjö mínútur voru eftir. Markvörðurinn Brynjar Darri Baldursson fór einnig meiddur af velli í liði Stjörnunnar.
Lokakaflinn var æsispennandi og dramatíkin mikil. Andri Þór Helgason kom Stjörnunni yfir, 25-26, en Birgir Már Birgisson jafnaði fyrir FH, 26-26.
Einar Rafn Eiðsson og Ásbjörn Friðriksson voru markahæstir FH-inga með átta mörk hvor. FH er með tólf stig í 5. sæti deildarinnar.
Andri skoraði sjö mörk fyrir Stjörnuna og Ólafur Bjarki sex. Stjarnan er með sex stig í 10. sæti.
Tengdar fréttir
Seinni bylgjan: Vel útfærð lokasókn FH-inga
Sérfræðingar Seinni bylgjunnar voru hrifnir af leikkerfinu sem Sigursteinn Arndal teiknaði upp fyrir lokasókn FH gegn Stjörnunni.
Sportpakkinn: Hefur spilað með slitið krossband í á annað ár
Mikil meiðsli eru í herbúðum Stjörnunnar.
Umfjöllun og viðtöl: FH - Stjarnan 26-26 | Spennutryllir í Krikanum
Birgir Már Birgisson tryggði FH stig gegn Stjörnunni í Kaplakrika.
Rúnar: Vorum nær tveimur stigum en einu
Þjálfari Stjörnunnar var ánægður með margt í leik liðsins gegn FH.
