Handbolti

Sportpakkinn: Hefur spilað með slitið krossband í á annað ár

Guðjón Guðmundsson skrifar
Ólafur Bjarki hefur verið þjakaður af meiðslum undanfarin ár.
Ólafur Bjarki hefur verið þjakaður af meiðslum undanfarin ár. vísir/bára

Tveir leikmenn Stjörnunnar fóru meiddir af velli gegn FH í Olís-deild karla í gær. Leikar fóru 26-26.

Brynjar Darri Baldursson varði vel í Stjörnumarkinu í fyrri hálfleik en lék ekkert í þeim seinni vegna hnémeiðsla.

Þegar sjö mínútur voru eftir haltraði Ólafur Bjarki Ragnarsson svo af velli og hélt um hnéð.

Meiðsli hans eru reyndar ekki ný af nálinni því Ólafur Bjarki hefur spilað með slitið krossband í hné í á annað ár.

Meiðsladraugurinn hefur heldur betur ásótt Stjörnuna á þessu tímabili.

Sveinbjörn Pétursson, sem tók skóna aftur úr hillunni vegna meiðsla Stephens Nielsen, þurfti að hætta vegna bakmeiðsla.

Stephen snýr ekki aftur fyrr en á næsta ári og óvíst er með þátttöku varnarmannsins öfluga, Bjarka Más Gunnarssonar, á þessu tímabili. Hann spilaði meiddur seinni hluta síðasta tímabils en hefur ekkert spilað í vetur.

Klippa: Sportpakkinn: Meiðsli hjá Stjörnunni
 


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.