Eins og í síðustu leikjum Stjörnunnar voru lokamínúturnar gegn FH í lokaleik 10. umferðar Olís-deildar karla í gær gríðarlega spennandi.
Andri Þór Helgason kom Stjörnunni í 25-26 með marki úr vinstra horninu eftir sendingu Tandra Más Konráðssonar.
FH tók leikhlé þegar 26 sekúndur voru eftir af leiknum og Sigursteinn Arndal, þjálfari liðsins, stillti upp í leikkerfi sem sérfræðingar Seinni bylgjunnar voru hrifnir af.
FH opnaði hægra hornið fyrir Birgi Má Birgisson sem fór í gegn og skoraði jöfnunarmarkið þegar nokkrar sekúndur voru eftir. Lokatölur 26-26.
„FH-ingar hafa spilað þetta svolítið, sérstaklega í seinni bylgju, taka markvörðinn út af og reyna að koma liðum á óvart,“ sagði Halldór Sigfússon í Seinni bylgjunni í gær.
„Það var flott að setja upp í þetta, það heppnaðist og þeir fengu gott stig út úr leiknum.“
Innslagið í heild sinni má sjá í spilaranum hér fyrir ofan.
Seinni bylgjan: Vel útfærð lokasókn FH-inga
Tengdar fréttir
Umfjöllun og viðtöl: FH - Stjarnan 26-26 | Spennutryllir í Krikanum
Birgir Már Birgisson tryggði FH stig gegn Stjörnunni í Kaplakrika.
Rúnar: Vorum nær tveimur stigum en einu
Þjálfari Stjörnunnar var ánægður með margt í leik liðsins gegn FH.
Seinni bylgjan: Hláturskast vegna Framsóknarpeysu Gústa
Uppátæki Ágústs Jóhannssonar í Seinni bylgjunni vakti mikla kátínu.
Seinni bylgjan: Hin mörgu svipbrigði Gríms
Þjálfari Selfoss bauð upp á mikil og skemmtileg svipbrigði í viðtali eftir leikinn gegn Fram.
