Það þarf að fylla skarð fyrirliðans Hjörvar Ólafsson skrifar 11. október 2019 14:00 Strákarnir okkar í landsliðinu létu kuldalegar aðstæður á Laugardalsvelli ekki trufla sig í undirbúningnum fyrir leikinn í gær. Fréttablaðið/Anton Brink Íslenska karlalandsliðið í knattspyrnu fær Frakkland í heimsókn á Laugardalsvöllinn í kvöld en leikurinn er liður í sjöttu umferð í undankeppni EM 2020. Eftir tap íslenska liðsins í Albaníu í síðustu umferð er meiri pressa á að næla í stig í þessum leik ætli liðið sér að komast beint í lokakeppni mótsins. Það er hins vegar óraunhæft að ætlast til þess að íslenska liðið vinni Frakkland í fyrsta skipti í sögunni. Bjartsýnin jókst ekki þegar fregnir bárust af því að fyrirliðinn Aron Einar Gunnarsson hefði meiðst og gæti ekki leikið í þessum leik. Sú staðreynd að Ísland hefur undanfarin ár náð hagstæðum úrslitum á móti öflugum liðum, þá sérstaklega á heimavelli, vekur hins vegar von í brjósti stuðningsmanna íslenska liðsins. Erik Hamrén, þjálfari Íslands, og Gylfi Þór Sigurðsson sem verður fyrirliði í stað Arons Einars ræddu það einmitt á blaðamannafundi í gær að liðið þyrfti að hafa meiri trú á sigri en það hafði í fyrri leik liðanna í undankeppninni. Þá minntu þeir á að Ísland væri erfitt heim að sækja og leikmenn liðsins hefðu skapað góðar minningar með frábærri frammistöðu á móti bestu liðum heims síðustu ár og vonandi yrði kvöldstundin í kvöld eftirminnileg á jákvæðan hátt. Gylfi Þór sagði að meiðsli Arons Einars gerðu það að verkum að einhver leikmaður fengi kjörið tækifæri til þess að stimpla sig inn í liðið með góðri spilamennsku. Góður leikur á morgun gæti tryggt byrjunarliðssæti í þeim leikjum sem eftir eru í undankeppninni þar sem ólíklegt væri að Aron Einar myndi komast aftur inn á knattspyrnuvöllinn áður en undankeppninni lyki.Nokkrir möguleikar á samsetningu á miðjunni Mestu spurningarmerkin við það hvernig Hamrén og Freyr Alexandersson muni stilla upp liðinu annað kvöld eru hvernig miðjan verður samsett og hver leiðir liðið í fremstu víglínu. Hannes Þór Halldórsson verður að vanda milli stanganna í markinu og líklegt er að varnarlínan verði eins skipuð og í tapinu fyrir Albaníu. Það er með Ara Frey Skúlason, Kára Árnason, Ragnar Sigurðsson og Hjört Hermannsson innanborðs. Birkir Már Sævarsson er kominn aftur inn í hópinn en hann sagði það sjálfur í vikunni að hann byggist við því að byrja á bekknum. Inni á miðjunni koma tveir kostir helst til greinar til þess að fylla skarð Arons Einar sem varnartengiliður. Það er Birkir Bjarnason og svo Guðlaugur Victor Pálsson sem hlotið hefur lof fyrir hvernig hann hefur spilað fyrir þýska B-deildarliðið Darmstadt. Gylfi Þór Sigurðsson mun leika sem sóknartengiliður en sem miðvallarleikmenn koma Emil Hallfreðsson og Rúnar Már Sigurjónsson sem lék á vængnum í Albaníu til greina. Jóhann Berg Guðmundsson er svo búinn að ná sér af þeim meiðslum sem héldu honum út úr leikjunum gegn Moldóvu og Albaníu og hann verður á öðrum kantinum. Arnór Ingvi Traustason eða Rúnar Már Sigurjónsson verða svo að öllum líkindum í hinni kantstöðunni.Þrír leikmenn koma helst til greina í framlínunni Það er svo spurning hvort Alfreð Finnbogason, Kolbeinn Sigþórsson eða Jón Daði Böðvarsson fá það hlutverk að leika sem fremsti maður liðsins. Alfreð er nýkominn til baka eftir að hafa glímt við meiðsli, en hann er góður að fá boltann í fætur og stinga sér bak við varnir andstæðinganna með klókum hlaupum. Kolbeinn skoraði í báðum leikjunum í síðasta legg undankeppninnar og kemur sterklega til greina. Jón Daði hefur hins vegar leikið vel í síðustu leikjum landsliðsins og hentar liðinu vel taktískt séð. Þrátt fyrir að hafa ekki skorað í undankeppninni hentar Jón Daði leikstíl íslenska liðsins vel. Svo gætu Hamrén og Freyr einnig leikið leikerfið 4-4-2 með Alfreð, Kolbein eða Jón Daða í fremstu víglínu og Gylfa Þór sem hluta af tveggja manna miðju. Það verður spennandi að sjá hver liðsuppstillingin verður og svo hvernig þeim leikmönnum sem hljóta náð fyrir augum þjálfaranna tekst upp gegn ríkjandi heimsmeisturum. Stig væru vel þegin til þess að aðstoða þjóðarsálina við að takast á við veturinn sem er að skella á. Birtist í Fréttablaðinu EM 2020 í fótbolta Mest lesið Golfstjarnan stytti sér aldur Golf Heimir Hallgríms þegar búinn að tryggja sambandinu 277 milljónir Fótbolti Sveindís Jane mætti og studdi sína konu: Stolt af þér gullið mitt Fótbolti Lést eftir að hafa dottið af hestbaki Sport Katrín Tanja á skurðarborðið: Ég er svo stressuð Sport Sjáðu lokasóknina ótrúlegu og senuþjófinn Kane í viðtali Óla Óla Körfubolti Gat ekki gengið fyrir nokkrum dögum en vann síðan sögulegt silfur á HM Sport Sér ekki eftir ræðunni umdeildu þó móðir hans sé virtur eðlisfræðingur Sport „Gerist ekki grátlegra“ Handbolti „Ég mæli ekki með þessu fyrir neinn mann“ Körfubolti Fleiri fréttir Xavi varaði Flick við: „Hann mun þjást“ Chelsea í viðræður um kaup á stjóra Leicester Sjáðu markasúpu Stjörnunnar og hvernig Breiðablik kláraði Fram Heimir Hallgríms þegar búinn að tryggja sambandinu 277 milljónir Sveindís Jane mætti og studdi sína konu: Stolt af þér gullið mitt Tekur ekki við Chelsea sem vill ráða nýjan stjóra í vikunni Cucurella, Raya og Joselu í EM-æfingahópi Spánverja „Fullt af mistökum“ Rígur framtíðar eða valdaskipti: „Við munum snúa aftur“ Barcelona vann síðasta leikinn hans Xavi Atalanta getur enn endað í þriðja sæti og Empoli hélt sér uppi á hádramatískan hátt Uppgjör og viðtöl: Fram-Breiðablik 1-4 | Þriðji sigur Blika í röð Mörkin úr stórleiknum á Kópavogsvelli og öll hin „Þegar við fengum sénsana þá tókum við þá“ „Svona eru íþróttir“ „Frammistaðan til fyrirmyndar í dag“ Uppgjör, viðtöl og myndir: Stjarnan-KA 5-0 | Einstefna í Garðabæ Logi lagði upp annan leikinn í röð Sverrir Ingi og félagar meistarar eftir ótrúlega lokaumferð Southampton vann á Wembey og spilar í úrvalsdeildinni á næsta tímabili Þórdís Elva komin á blað og Guðrún hélt aftur hreinu Þrenna í uppbótartíma hélt lærisveinum Freys uppi í úrvalsdeild Slógust og kveiktu í rútu fjörtíu kílómetra frá leikvanginum Bæði lið stóðu heiðursvörð og Toni Kroos tolleraður í leikslok Þjálfari Lyngby reif sig úr að ofan og fagnaði af einstakri ákefð Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Celtic tvöfaldur meistari eftir dramatískan sigur á erkifjendunum Fyrstu táningarnir síðan Ronaldo árið 2004 Spánarmeistarar Real enduðu tímabilið á markalausu jafntefli Sjá meira
Íslenska karlalandsliðið í knattspyrnu fær Frakkland í heimsókn á Laugardalsvöllinn í kvöld en leikurinn er liður í sjöttu umferð í undankeppni EM 2020. Eftir tap íslenska liðsins í Albaníu í síðustu umferð er meiri pressa á að næla í stig í þessum leik ætli liðið sér að komast beint í lokakeppni mótsins. Það er hins vegar óraunhæft að ætlast til þess að íslenska liðið vinni Frakkland í fyrsta skipti í sögunni. Bjartsýnin jókst ekki þegar fregnir bárust af því að fyrirliðinn Aron Einar Gunnarsson hefði meiðst og gæti ekki leikið í þessum leik. Sú staðreynd að Ísland hefur undanfarin ár náð hagstæðum úrslitum á móti öflugum liðum, þá sérstaklega á heimavelli, vekur hins vegar von í brjósti stuðningsmanna íslenska liðsins. Erik Hamrén, þjálfari Íslands, og Gylfi Þór Sigurðsson sem verður fyrirliði í stað Arons Einars ræddu það einmitt á blaðamannafundi í gær að liðið þyrfti að hafa meiri trú á sigri en það hafði í fyrri leik liðanna í undankeppninni. Þá minntu þeir á að Ísland væri erfitt heim að sækja og leikmenn liðsins hefðu skapað góðar minningar með frábærri frammistöðu á móti bestu liðum heims síðustu ár og vonandi yrði kvöldstundin í kvöld eftirminnileg á jákvæðan hátt. Gylfi Þór sagði að meiðsli Arons Einars gerðu það að verkum að einhver leikmaður fengi kjörið tækifæri til þess að stimpla sig inn í liðið með góðri spilamennsku. Góður leikur á morgun gæti tryggt byrjunarliðssæti í þeim leikjum sem eftir eru í undankeppninni þar sem ólíklegt væri að Aron Einar myndi komast aftur inn á knattspyrnuvöllinn áður en undankeppninni lyki.Nokkrir möguleikar á samsetningu á miðjunni Mestu spurningarmerkin við það hvernig Hamrén og Freyr Alexandersson muni stilla upp liðinu annað kvöld eru hvernig miðjan verður samsett og hver leiðir liðið í fremstu víglínu. Hannes Þór Halldórsson verður að vanda milli stanganna í markinu og líklegt er að varnarlínan verði eins skipuð og í tapinu fyrir Albaníu. Það er með Ara Frey Skúlason, Kára Árnason, Ragnar Sigurðsson og Hjört Hermannsson innanborðs. Birkir Már Sævarsson er kominn aftur inn í hópinn en hann sagði það sjálfur í vikunni að hann byggist við því að byrja á bekknum. Inni á miðjunni koma tveir kostir helst til greinar til þess að fylla skarð Arons Einar sem varnartengiliður. Það er Birkir Bjarnason og svo Guðlaugur Victor Pálsson sem hlotið hefur lof fyrir hvernig hann hefur spilað fyrir þýska B-deildarliðið Darmstadt. Gylfi Þór Sigurðsson mun leika sem sóknartengiliður en sem miðvallarleikmenn koma Emil Hallfreðsson og Rúnar Már Sigurjónsson sem lék á vængnum í Albaníu til greina. Jóhann Berg Guðmundsson er svo búinn að ná sér af þeim meiðslum sem héldu honum út úr leikjunum gegn Moldóvu og Albaníu og hann verður á öðrum kantinum. Arnór Ingvi Traustason eða Rúnar Már Sigurjónsson verða svo að öllum líkindum í hinni kantstöðunni.Þrír leikmenn koma helst til greina í framlínunni Það er svo spurning hvort Alfreð Finnbogason, Kolbeinn Sigþórsson eða Jón Daði Böðvarsson fá það hlutverk að leika sem fremsti maður liðsins. Alfreð er nýkominn til baka eftir að hafa glímt við meiðsli, en hann er góður að fá boltann í fætur og stinga sér bak við varnir andstæðinganna með klókum hlaupum. Kolbeinn skoraði í báðum leikjunum í síðasta legg undankeppninnar og kemur sterklega til greina. Jón Daði hefur hins vegar leikið vel í síðustu leikjum landsliðsins og hentar liðinu vel taktískt séð. Þrátt fyrir að hafa ekki skorað í undankeppninni hentar Jón Daði leikstíl íslenska liðsins vel. Svo gætu Hamrén og Freyr einnig leikið leikerfið 4-4-2 með Alfreð, Kolbein eða Jón Daða í fremstu víglínu og Gylfa Þór sem hluta af tveggja manna miðju. Það verður spennandi að sjá hver liðsuppstillingin verður og svo hvernig þeim leikmönnum sem hljóta náð fyrir augum þjálfaranna tekst upp gegn ríkjandi heimsmeisturum. Stig væru vel þegin til þess að aðstoða þjóðarsálina við að takast á við veturinn sem er að skella á.
Birtist í Fréttablaðinu EM 2020 í fótbolta Mest lesið Golfstjarnan stytti sér aldur Golf Heimir Hallgríms þegar búinn að tryggja sambandinu 277 milljónir Fótbolti Sveindís Jane mætti og studdi sína konu: Stolt af þér gullið mitt Fótbolti Lést eftir að hafa dottið af hestbaki Sport Katrín Tanja á skurðarborðið: Ég er svo stressuð Sport Sjáðu lokasóknina ótrúlegu og senuþjófinn Kane í viðtali Óla Óla Körfubolti Gat ekki gengið fyrir nokkrum dögum en vann síðan sögulegt silfur á HM Sport Sér ekki eftir ræðunni umdeildu þó móðir hans sé virtur eðlisfræðingur Sport „Gerist ekki grátlegra“ Handbolti „Ég mæli ekki með þessu fyrir neinn mann“ Körfubolti Fleiri fréttir Xavi varaði Flick við: „Hann mun þjást“ Chelsea í viðræður um kaup á stjóra Leicester Sjáðu markasúpu Stjörnunnar og hvernig Breiðablik kláraði Fram Heimir Hallgríms þegar búinn að tryggja sambandinu 277 milljónir Sveindís Jane mætti og studdi sína konu: Stolt af þér gullið mitt Tekur ekki við Chelsea sem vill ráða nýjan stjóra í vikunni Cucurella, Raya og Joselu í EM-æfingahópi Spánverja „Fullt af mistökum“ Rígur framtíðar eða valdaskipti: „Við munum snúa aftur“ Barcelona vann síðasta leikinn hans Xavi Atalanta getur enn endað í þriðja sæti og Empoli hélt sér uppi á hádramatískan hátt Uppgjör og viðtöl: Fram-Breiðablik 1-4 | Þriðji sigur Blika í röð Mörkin úr stórleiknum á Kópavogsvelli og öll hin „Þegar við fengum sénsana þá tókum við þá“ „Svona eru íþróttir“ „Frammistaðan til fyrirmyndar í dag“ Uppgjör, viðtöl og myndir: Stjarnan-KA 5-0 | Einstefna í Garðabæ Logi lagði upp annan leikinn í röð Sverrir Ingi og félagar meistarar eftir ótrúlega lokaumferð Southampton vann á Wembey og spilar í úrvalsdeildinni á næsta tímabili Þórdís Elva komin á blað og Guðrún hélt aftur hreinu Þrenna í uppbótartíma hélt lærisveinum Freys uppi í úrvalsdeild Slógust og kveiktu í rútu fjörtíu kílómetra frá leikvanginum Bæði lið stóðu heiðursvörð og Toni Kroos tolleraður í leikslok Þjálfari Lyngby reif sig úr að ofan og fagnaði af einstakri ákefð Stuttorður Guardiola: „Óskaði þeim til hamingju með frábært tímabil“ Rooney tekur við B-deildarliði Plymouth Celtic tvöfaldur meistari eftir dramatískan sigur á erkifjendunum Fyrstu táningarnir síðan Ronaldo árið 2004 Spánarmeistarar Real enduðu tímabilið á markalausu jafntefli Sjá meira