Erlent

Arabar vilja Gantz fremur en Netanja­hú

Atli Ísleifsson skrifar
Fyrrverandi hershöfðinginn Benny Gantz.
Fyrrverandi hershöfðinginn Benny Gantz. Getty

Þingmenn araba á ísraelska þinginu hafa lýst því yfir að þeir vilji að Benny Gantz, leiðtogi Bláhvíta bandalagsins, leiði næstu ríkisstjórn landsins en þar er allt í hnút eftir að flokkur Gantz fékk nánast sömu útkömu og Likud, flokkur forsætisráðherrans Benjamíns Netanjahús.

Þetta er í fyrsta sinn síðan 1992 sem arabar í Ísrael lýsa yfir stuðningi við tiltekinn einstakling í stól forsætisráðherra.

Arabablokkin á þinginu lýsti því sömuleiðis yfir að vilji þeirra sé sá að koma Netanjahú frá völdum og því sé hershöfðinginn fyrrverandi Benny Gantz betri kostur að þeirra mati.

Reuven Rivlin, forseti Ísraels, hefur hinsvegar sagt að sinn vilji sé sá að báðar stóru blokkirnar myndi saman ríkisstjórn. Segist forsetinn vilja gera allt sem í hans vakdi stendur til að koma í veg fyrir að boðað verði til kosninga á ný, sem yrðu þá hinar þriðju á innan við ári.


Tengdar fréttir

Stjórnarmyndun í Ísrael verður erfið

Báðir stóru flokkarnir töpuðu fylgi í kosningum í Ísrael á þriðjudag. Helsta fyrirstaða stjórnarmyndunar virðist vera forsætisráðherrann sjálfur. Avigdor Lieberman, leiðtogi sigurflokksins Yisrael Beitenu, hefur alla ásana á hendi.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.