Enski boltinn

Fékk á sig átta mörk gegn Man. City um helgina: „Styttist í að þeir skori tíu í sama leiknum“

Anton Ingi Leifsson skrifar
Foster var á yfirvinnukaupi um helgina.
Foster var á yfirvinnukaupi um helgina. vísir/getty

Ben Foster, markvörður Watford, segir að það sé ekki spurning um hvort heldur hvenær Manchester City skori tíu mörk í sama leiknum.

Foster stóð í markinu gegn City á laugardaginn er Watford-menn voru niðurlægðir á Etihad. Þeir töpuðu leiknum 8-0 og voru 5-0 undir eftir átján mínútna leik.

Þetta tap kom einungis fjórum mánuðum eftir að City hafði unnið 6-0 sigur á Watford í úrslitaleik enska bikarsins en City hefur einnig unnið 9-0 og 7-0 sigra á síðasta ári.

„Þeir munu skora níu eða tíu mörk á einhvern bráðlega. Að koma hingað sem markvörður er það nánast afrek að ná að halda þeim í einu eða tveimmur mörkum. Á augnablikum eru þeir magnaðir,“ sagði Foster.





„Þeir voru óhugnanlegir á augnablikum í leiknum. Þeir voru miskunnarlausir. Þú gast séð þá opna okkur og búa til færi beint fyrir framan þig og þetta var ekki gaman. Í hreinskilni sagt hefði þetta getað farið í tveggja stafa tölu.“

Watford er á botni deildarinnar með einungis tvö stig en þeir hafa tapað síðustu tólf leikjum gegn Manchester City og fengið á sig 46 mörk í leikjunum tólf.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.