Ancelotti lætur yfirvöld heyra það: „Hvar eigum við að skipta um föt?“

Knattspyrnustjóri Napólí, Carlo Ancelotti, er ósáttur við hvernig gengur að endurbæta leikvang liðsins og lét þá sem sjá um framkvæmdirnar heyra það.

„Það er hægt að byggja hús á tveimur mánuðm en þeir gátu ekki lagað búningsklefana,“ sagði Ancelotti.

Napólí hefur spilað fyrst tvo leiki sína í Seria A á útivelli á meðan endurbætur á leikvanginum hafa staðið yfir.

Það er hins vegar heimaleikur gegn Sampdoria á sunnudag og svo kemur Liverpool í heimsókn í Meistaradeild Evrópu á þriðjudag.

„Ég hef séð ástandið á búningsklefunum og ég á ekki til orð yfir því. Ég samþykkti beiðni félagsins að spila fyrstu leikina á útivelli svo hægt væri að klára verkið, eins og okkur var lofað,“ sagði Ancelotti í tilkynningu á vefsíðu félagsins.

„Hvar eigum við að skipta um föt fyrir leikina á móti Sampdoria og Liverpool?“

„Ég er hneykslaður á fólkinu sem sér um þessar framkvæmdir. Hvernig gat stjórnsýslan látið þetta gerast? Þetta er vanvirðing við félagið.“

The video below shows the state of the Napoli dressing rooms, just over two days before #NapoliSampdoriahttps://t.co/euAdOIgAND

— Official SSC Napoli (@en_sscnapoli) September 12, 2019