Einn látinn eftir skotárás í úthverfi Kaupmannahafnar
Einn er látinn og annar alvarlega særður eftir skotárás í Ishøj í útjaðri Kaupmannahafnar.
Þetta kemur fram í fréttum danska ríkisútvarpsins, DR. Þar segir einnig að þriðji maður sé lítillega særður eftir skotárásina.
Lögreglan í Kaupmannahöfn rannsakar nú málið sem uppgjör glæpagengja. Þungvopnað lögreglulið er nú á svæðinu.
Myndir af vettvangi sýna svartan bíl með að minnsta kosti eina brotna rúðu og kúlnaför við á ökumannshlið bílsins.
Málsatvik eru enn nokkuð óljós, samkvæmt frétt DR, en hinir slösuðu hafa verið fluttir á sjúkrahús í Kaupmannahöfn til aðhlynningar.
Vi er netop nu massivt tilstede ifm skyderi på Gildbrovej i Ishøj, hvor flere personer er ramt. Vi har pt ikke info om tilstand. Intet yderligere info lige nu, men vi følger op her på Twitter #politidk
— Vestegnens Politi (@VestegnsPoliti) September 15, 2019
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
