Bíó og sjónvarp

Glæný stikla úr Goðheimum frumsýnd á Vísi

Stefán Árni Pálsson skrifar
Myndin verður frumsýnd 11. október.
Myndin verður frumsýnd 11. október.

Kvikmyndin Goðheimar fjallar um víkingabörnin Röskvu og Þjálfa sem koma í Goðheima með þrumuguðinum Þór og Loka hinum lævísa. Goðheimar eru að hruni komnir og eingöngu krakkarnir geta komið til bjargar.

Goðheimar er fantasíu- og ævintýramynd sem byggir á samnefndum teiknimyndasögum og teiknimynd eftir Danann Peter Madsen, en hann byggir sögur sínar á Norrænni goðafræði.  Goðheimar verður frumsýnd hér á landi þann 11. október.

Myndin er samstarfsverkefni Profile Pictures í Danmörku og Netop Films á Íslandi. Grímar Jónsson, meðframleiðir fyrir hönd Netop Films, leikkonurnar Salóme Gunnarsdóttir og Lára Jóhanna Jónsdóttir leika Freyju og Sif, Margrét Einarsdóttir er búningahönnuður og Kristín Júlla Kristjánsdóttir sér um hár og gervi.

Einnig er myndin að hluta til tekin upp á Íslandi eins og vel sést í stiklunni sem frumsýnd hér á Vísi og sjá má hér að neðan.

Klippa: Goðheimar - sýnishorn



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.