Slæmur dagur hjá gömlu Blikunum

Aron Bjarnason og Kolbeinn Þórðarson léku sína fyrstu leiki fyrir Újpest og Lommel í kvöld. Breiðablik seldi þá báða í síðasta mánuði.

Aron kom inn á sem varamaður á 74. mínútu þegar Újpest tapaði, 1-3, fyrir Puskás Akadémia í 1. umferð ungversku úrvalsdeildarinnar.

Kolbeinn kom inn á sem varamaður þegar níu mínútur voru eftir í 0-2 tapi Lommel fyrir Westerlo í 1. umferð belgísku B-deildarinnar.

Stefán Gíslason er þjálfari Lommel og stýrði liðinu í fyrsta sinn í keppnisleik í kvöld.