Gylfi byrjaði í tíðindalitlum leik gegn Wigan

Gylfi Þór Sigurðsson var í byrjunarliði Everton sem gerði markalaust jafntefli við Wigan Athletic á DW-vellinum í æfingaleik í kvöld.

Leikurinn var afar rólegur og fátt markvert gerðist. Gylfa var skipt af velli í hálfleik ásamt átta öðrum leikmönnum Everton.

Enski landsliðsmaðurinn Fabian Delph, sem Everton keypti frá Manchester City fyrr í mánuðinum, lék sinn fyrsta leik fyrir Bítlaborgarliðið í kvöld.

Everton frumsýndi líka nýjan appelsínugulan varabúning í leiknum í kvöld. Hér fyrir neðan má sjá mynd af Delph í búningnum.

FT | No goals, but more minutes, more players back and another good test ahead of the new season. UTT.

— Everton (@Everton) July 24, 2019

Næsti leikur Everton er gegn Sevilla á laugardaginn. Everton hefur unnið einn af fjórum leikjum sínum á undirbúningstímabilinu og gert þrjú jafntefli, þar af tvö markalaus.