Íslenski boltinn

Pepsi Max-mörk kvenna: Flýtti sér að taka innkast en fékk gult fyrir að tefja

Ingvi Þór Sæmundsson skrifar
Steinar Berg Sævarsson gefur Sveindísi Jane gula spjaldið.
Steinar Berg Sævarsson gefur Sveindísi Jane gula spjaldið. mynd/stöð 2 sport

Keflvíkingurinn Sveindís Jane Jónsdóttir fékk gult spjald fyrir afar sérstakar sakir í sigri liðsins á Fylkiskonum, 2-0, í Pepsi Max-deild kvenna á mánudaginn.

Þegar fjórar mínútur voru komnar fram yfir venjulegan leiktíma áminnti Steinar Berg Sævarsson, dómari leiksins, Sveindísi fyrir að tefja.

Gunnar Magnús Jónsson, þjálfari Keflavíkur, hvatti Sveindísi til að flýta sér að taka innkast svo hans konur gætu bætt þriðja markinu við. Sveindís fór út að hliðarlínu og þurrkaði af boltanum eins og hún hafði gert allan leikinn en fékk gult spjald fyrir að tefja, henni og öðrum Keflvíkingum til mikillar undrunar.

„Þetta er glórulaust,“ sagði Mist Rúnarsdóttir í Pepsi Max-mörkum kvenna á Stöð 2 Sport í gær.

„Hann hafði tækifæri fyrr í leiknum til að aðvara þær hinum megin. Þær tóku sér meiri tíma í þetta hægra megin á vellinum. Þetta er glórulaust, hún er dauðþreytt, að flýta sér og þetta er uppbótartími,“ bætti Mist við.

Innslagið í heild sinni má sjá hér fyrir neðan.


Klippa: Pepsi Max-mörk kvenna: Sveindís Jane fékk gult spjald fyrir að tefja




Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.