Golden State keypti auglýsingu til að óska Toronto til hamingju
Golden State Warriors keypti heilsíðu auglýsingu í dagblaðinu Toronto Star til að óska nýkrýndum NBA-meisturum Toronto Raptors til hamingju með titilinn.
Toronto vann Golden State í úrslitum NBA-deildarinnar, 4-2, og tryggði sér fyrsta meistaratitilinn í sögu félagsins. Um leið kom Toronto í veg fyrir að Golden yrði meistari þriðja árið í röð.
Auglýsingin sem Golden State keypti birtist í Toronto Star í gær, sama dag og meistarafögnuður Raptors fór fram á götum Toronto.
Class act by #goldenstatewarriors @warriors management
Warriors take out full-page ad in Canad's most read newspaper (The Toronto Star) to congratulate #TorontoRaptors#WeTheNorthDay #WeTheChampions #WeTheChamps pic.twitter.com/QGLJAS0Dpv
— Infinitus Capital (@InfinitusCap) June 17, 2019
Talið er að ein og hálf milljón manns hafi verið samankomin í miðborg Toronto í gær til að fagna NBA-meisturunum nýkrýndu.
Fjórir urðu fyrir skoti á meðan meistarafögnuðinum stóð en meiðsli þeirra eru ekki talin lífshættuleg. Þrír voru handteknir vegna skotárásarinnar.
Tengdar fréttir
Skotárás í meistarafögnuði Toronto Raptors
Talið er að tveir hafi orðið fyrir skoti í miðborg Toronto í Kanada í dag. Mikill fjöldi fólks var þar samankomin til að fagna fyrsta NBA titli körfuboltaliðs borgarinnar Toronto Raptors.
Leonard í hóp með Abdul-Jabbar og James
Kawhi Leonard er kominn í fá- og góðmennan hóp.
Fyrstu bræðurnir til að verða NBA-meistarar
Marc Gasol fetaði í fótspor eldri bróður síns, Pau, þegar Toronto Raptors varð NBA-meistari í nótt.
Sjáðu fagnaðarlætin hjá leikmönnum og stuðningsmönnum Toronto í nótt
Mögnuð stemning í nótt.
Toronto NBA-meistari í fyrsta sinn
NBA-tímabilinu er lokið.
