Notuðu gamla góða textavarpið til að kynna nýja leikmanninn

Enska D-deildarliðið Exeter City fór skemmtilega leið við kynningu á nýjasta leikmanni liðsins.

Exeter birti í dag myndband á Twitter-síðu sinni þar sem Tom Parkes var kynntur á gamla góða textavarpinu, nánar tiltekið á síðu 303.

Have any #ECFC fans checked their TV Sets this morning?#TransferNewspic.twitter.com/FDu0jEVrOO

— Exeter City FC (@OfficialECFC) May 27, 2019

Þessi kynning Exeter-manna vakti verðskuldaða athygli enda með eindæmum frumleg.

Parkes þessi, sem var kynntur á þennan skemmtilega hátt, er 27 ára varnarmaður sem kom frá Carlisle United.

Exeter endaði í 9. sæti ensku D-deildarinnar í vetur.