Sjáðu markið og stoðsendinguna hjá Gylfa gegn United
Gylfi Þór Sigurðsson skoraði þrettánda úrvalsdeildarmark sitt á tímabilinu í stórsigri Everton á Manchester United í ensku úrvalsdeildinni í gær.
Mark Gylfa kom stuttu eftir að Brasilíumaðurinn Richarlison hafði komið Everton yfir í leiknum. Mark Richarlison var hans þrettánda í deildinni í vetur og því varð Gylfi að bæta sínu marki við svo þeir héldust í hendur í markaskorun.
Í seinni hálfleik bættu Lucas Digne og Theo Walcott við sínu markinu hvor en Gylfi átti stoðsendinguna í marki Walcott.
Liverpool þurfti þolinmæði til þess að vinna á þéttri vörn Cardiff. Georginio Wijnaldum braut ísinn á 57. mínútu og James Milner tryggði sigurinn úr vítaspyrnu undir lokin.
Mohamed Salah fékk vítaspyrnuna og þótti hún vera veitt fyrir afar litlar sakir.
Á Emirates vellinum fann Christian Benteke loks markaskóna á ný í sterkum 3-2 sigri Crystal Palace á heimamönnum í Arsenal.
Öll mörk og helstu atvik leikja gærdagsins má sjá hér að neðan.
Everton - Manchester United 4-0
Cardiff - Liverpool 0-2
Arsenal - Crystal Palace 2-3
