West Ham í úrslitin | Rakel klikkaði á víti

Rakel Hönnudóttir klikkaði á sínu víti í vítaspyrnukeppni þegar West Ham tryggði sér sæti í úrslitaleik FA-bikars kvenna.

 

Rakel Hönnudóttir kom inná á 67. mínútu venjulegs leiktíma en hún tryggði einmitt Reading sæti í undanúrslitunum.

 

Það var Rachel Furness sem kom Reading yfir í byrjun seinni hálfleiksins með frábærum skalla og staðan þá orðin 1-0. Það tók þó West Ham ekki langan tíma að jafna metin en það gerði Alisha Lehman á 57. mínútu.

 

Hvorugu liðinu tókst að skora aftur í venjulegum leiktíma þó svo að Reading hafi fengið vítaspyrnu en það var Fara Williams sem skaut í þverslánna og yfir.

 

Því þurfti að grípa til framlengingar og að lokum til vítaspyrnukeppni þar sem að lánið lék ekki með Rakel og Reading en vítaspyrna Rakelar fór yfir markið.