Íslenski boltinn

Sonný Lára áfram í marki meistaranna

Ingvi Þór Sæmundsson skrifar
Sonný Lára með Mjólkurbikarinn.
Sonný Lára með Mjólkurbikarinn. vísir/vilhelm
Sonný Lára Þráinsdóttir hefur framlengt samning sinn við Íslands- og bikarmeistara Breiðabliks. Hún er samningsbundin félaginu til næstu tveggja ára.

Sonný Lára hefur varið mark Blika undanfarin ár. Hún hefur tvisvar sinnum orðið Íslandsmeistari og tvisvar sinnum bikarmeistari með Breiðabliki.

Sonný Lára hefur leikið 89 leiki í Pepsi-deildinni með Blikum og haldið hreinu í 54 þeirra. Hún tók við fyrirliðabandinu hjá Breiðabliki fyrir síðasta tímabil.

Hin 32 ára Sonný Lára hefur leikið sex A-landsleiki. Hún er í íslenska landsliðshópnum sem hélt til Suður-Kóreu í dag. Þar mæta íslensku stelpurnar heimakonum í tveimur vináttulandsleikjum.




Fleiri fréttir

Sjá meira


×