Sláin upp og inn: Sjáðu ævintýralegt vítaspyrnumark

Diego Campillo, leikmaður U17 ára liðs Guadalajara í Mexíkó, skoraði hreint ótrúlegt mark úr vítaspyrnu í vítaspyrnukeppni liðsins á móti Lobos BUAP um helgina.

Campillo hélt að hann hefði klúðrað vítinu þegar að boltinn small í slánni og flaug hátt upp í loftið en boltinn datt niður við marklínuna með bakspuna og endaði í þaknetinu.

Markvörður Lobos hélt að hættan væri liðin hjá og reyndi því ekki einu sinni að stöðva boltann þegar að hann kom niður til jarðar og þurfti því að horfa á eftir boltanum í netið.

Þessa ótrúlegu vítaspyrnu má sjá hér að neðan.