Lífið

Hitti oft Harvey Weinstein og þekktur leikari reyndi að fá Anítu á einkafund upp á hótelherbergi

Stefán Árni Pálsson skrifar
Aníta fór um víðan völl í Einkalífinu.
Aníta fór um víðan völl í Einkalífinu. vísir/vilhelm

Leikkonan Aníta Briem hefur verið búsett í Los Angeles í nokkru ár og verið að gera fína hluti í leiklistarsenunni í Hollywood. Aníta er stödd á landinu við æfingar fyrir hlutverk sitt í þáttaröðinni Ráðherrann með Ólafi Darra Ólafssyni og Anítu í aðalhlutverkum. Aníta Briem er gestur vikunnar í Einkalífinu.

Kvikmyndaframleiðandinn Harvey Weinstein skildi eftir sig sviðna jörð eftir að MeToo byltinginn hófst og hefur hann nú þegar verið ákærður fyrir nauðganir og virðist sem svo að hann hafi áreitt konur í Hollywood í mörg ár. Aníta segir einnig frá því í þættinum að þekktur leikari hafi reynt að fá hana á einkafund upp á hótelherbergi.

„Það var ekki í fyrsta skipti sem það gerðist og ekki heldur í tíunda skipti. Ástæðan fyrir því að þetta sat í mér var eftir að umræðan kom upp og maður áttaði sig á því hversu oft maður hefði lent í þessum andskota,“ segir Aníta og bætir við að hún hafi verið með magapínu í heilan dag eftir atvikið.

Aníta Briem er stödd hér á landi í undirbúningi fyrir hlutverk sitt í Ráðherranum. visir/vilhelm

„Þetta er leikari sem ég hefði virkilega viljað vinna með og það hefði verið rosalega gaman.“

Aníta hefur oft hitt Harvey Weinstein.

„Harvey hafði mikið orðspor á sér. Það vissu allir að hann er mikill kvennamaður. Ég hafði aldrei heyrt sögur um nauðgun og aðrar hrikalegar sögur eins og maður heyrði eftir á. Hann er ofboðslega sjarmerandi gæi og ég man í fyrsta skipti sem ég hitti hann var í dinner og hann kom að borðinu mínu og sagðist hafa séð mig í Journey to the Center of the Earth og sagði við mig að ég væri frábær leikkona og merkilegur listamaður.“

Hún segist hafa hitt hann meira og meira og alltaf hafi hann verið mjög sjarmerandi.

„Ég veit ekki hvað ég hefði gert ef ég hefði fengið símtal og það er sagt við mig, Harvey langar að eiga við þig fund um þetta verkefni uppi á hótelherbergi.“

Hér að ofan má sjá þáttinn í heild sinni en í þættinum ræðir Aníta einnig um upphaf ferilsins, móðurhlutverkið, framtíðina, MeToo byltinguna, samskipti sín við Harvey Weinstein og það að hún ætlaði sér aldrei að verða leikkona sem barn, það bara gerðist.


Tengdar fréttir

„Var kannski aðeins meðvirk með ástandinu“

Sjónvarpskonan Eva Laufey Kjaran Hermannsdóttir hefur verið á sjónvarpsskjáum landsmanna undanfarin ár og þá aðallega sem sjónvarpskokkur. Núna er Eva orðin dagskrágerðarmaður í þættinum Íslandi í dag á Stöð 2.

Kristbjörg hefur fórnað miklu fyrir mig

Aron Einar Gunnarsson landsliðsfyrirliði og leikmaður Cardiff í ensku úrvalsdeildinni gaf á dögunum út bókina Aron – Sagan mín. Þar fer hann ítarlega yfir ferilinn, uppvaxtarárin á Akureyri og lífið í heild sinni.

„Hún er algjörlega stelpan fyrir mig“

Gunnar Nelson er besti bardagamaður Íslands og hefur náð gríðarlega langt í sínu sporti og þá sérstaklega í UFC. Hann er í 14. sæti á styrkleikalistanum hjá UFC og mætir Alex Oliveira í Toronto þann 8. desember.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.