Fótbolti

Allir með á æfingu í Peralada

Eiríkur Stefán Ásgeirsson í Peralada skrifar
Rúrik Gíslason og Aron Einar Gunnarsson í upphitun í morgun.
Rúrik Gíslason og Aron Einar Gunnarsson í upphitun í morgun. Vísir/E. Stefán

Íslenska landsliðið í knattspyrnu æfði í morgun á velli C.F. Peralada í samnefndum smábæ í norðausturhluta Spánar. Hér mun landsliðið dvelja þar til á fimmtudag en degi síðar leikur það fyrsta leik sinn í undankeppni EM 2020, gegn Andorra.

Allir leikmenn íslenska landsliðsins gátu tekið þátt í æfingunni í dag en Tom Joel, nýr styrktarþjálfari liðsins, stýrði upphitun af mikilli röggsemi. Joel tók nýverið við starfinu af Sebastian Boxleitner.

Samkvæmt upplýsingum frá KSÍ er ekki annað að heyra en að allir séu klárir í slaginn á föstudag, líka Alfreð Finnbogason sem hefur verið frá í talsverðan tíma vegna meiðsla. Alfreð spilaði allan leikinn í 3-1 sigri Augsburg á Hannover 96 í þýsku 1. deildinni um helgina.

Hér fyrir neðan má sjá myndir frá æfingunni í morgun en hún var opin fjölmiðlum fyrsta stundafjórðunginn.

Vísir fylgir eftir strákunum okkar á leið þeirra á lokakeppni EM 2020 í knattspyrnu. Stöð 2 Sport sýnir fjölda leikja í undankeppninni næstu daga, fylgstu með dagskránni á stod2.is.

Tom Joel, styrktarþjálfari. Vísir/E. Stefán
Aron Einar Gunnarsson og félagar hans í upphituninni. Vísir/E. Stefán
Æft var á heimavelli CF Peralada. Vísir/E. Stefán
Gylfi Þór Sigurðsson. Vísir/E. Stefán


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.