Gerrard: Getum gleymt titlinum

Steven Gerrard segir Rangers geta gleymt skoska meistaratitlinum eftir jafntefli við St. Johnstone um helgina.

Lærisveinar Gerrards hefðu getað sett pressu á topplið Celtic með sigri en í staðinn munar nú átta stigum á liðunum eftir sigur Celtic á Kilmarnock í gær.

„Eins og er þá getum við gleymt titlum og að minnka bil. Þegar við spilum svona fyrir framan 50 þúsund áhorfendur, þar eru sönnunargögnin,“ sagði Gerrard sem var allt annað en sáttur við frammistöðu síns liðs.

„Ég vorkenndi Jermain Defoe. Allir boltarnir komu til hans í loftinu eða á kassann, það var engin þjónusta í fætur. Ég sá ekki eina góða fyrirgjöf.“