Rúnar Alex hélt hreinu í bikarsigri

Rúnar Alex Rúnarsson og félagar í Dijon eru komnir í átta liða úrslit franska bikarsins eftir 3-0 sigur á D-deildarliðinu Croix í kvöld.

Það byrjaði ekki vel fyrir Criox því á fjórðu mínútu braut Mamadou Dia af sér og fékk beint rautt spjald. Dijon fékk einnig víti og úr því skoraði Julio Tavares.

Á 27. mínútu tvöfaldaði Florent Balmont forystuna fyrir Dijon og þriðja og síðasta mark leiksins kom í uppbótartíma er Wesley Said skoraði þriðja mark Dijon. Lokatölur 3-0.

Rúnar Alex var í byrjunarliðinu í kvöld og hélt hreinu en hann og félagar hans því komnir í átta liða úrslitin. Nantes og Orleans eru einnig komin áfram.

Félicitations au @irisclubcroix pour son beau parcours et bonne chance pour la fin du championnat #ICCFDFCO pic.twitter.com/jqMdEwuYKO

— Dijon FCO (@DFCO_Officiel) February 5, 2019