Sport

Serena Williams fékk fjögur tækifæri til að vinna en er úr leik

Óskar Ófeigur Jónsson skrifar
Karolina Pliskova trúir því varla að hún hafi unnið Serenu Williams.
Karolina Pliskova trúir því varla að hún hafi unnið Serenu Williams. Getty/TPN
Serena Williams er úr leik á Opna ástralska meistaramótinu í tennis eftir tap á móti hinni tékknesku Karolina Pliskova í nótt.

Serena Williams fékk fjögur tækifæri til að vinna eitt stig í viðbót og þar með því leikinn en tókst ekki. Karolina Pliskova hélt sér á lífi og vann síðan á endanum 7-5 í úrslitasettinu.

„Hún spilaði bara ótrúlega vel á úrslitastundu í leiknum,“ sagði Serena Williams.

Karolina Pliskova vann sex síðustu stigin í leiknum og fór því að vera 5-1 undir í lokasettinu í það að vinna 7-5 og komast áfram í átta manna úrslitin.  „Ég nýtti mín tækifæri,“ sagði Karolina Pliskova.





Karolina Pliskova var einu sinn efst á heimslistanum þannig að hún er enginn viðvaningur. Hún mætir nú hinni japönsku Naomi Osaka í undanúrslitunum.

Marga dreymdi um leik á milli Naomi Osaka og Serenu Williams en þegar þær mættust síðast þá vann Naomi Osaka Serenu í úrslitaleiknum á Opna bandaríska mótinu. Serenu hraunaði yfir dómarann, sakaði hann um þjófnað og stal algjörlega sviðsljósinu af nýkrýndum meistara. Af þeim leik verður ekki núna.





Serena Williams er að elta 24. sigur sinn á risamóti en með því myndi hún jafna metið. Hún þarf að bíða lengur eftir því en Serena er orðin 37 ára gömul.

Í hinum undanúrslitaleiknum mætast þær Petra Kvitová frá Tékklandi og Danielle Collins frá Bandaríkjunum.











Tennis

Mest lesið


Fleiri fréttir

Sjá meira


×

Mest lesið