Borgarleikhúsið setur upp verk um Villa Vill: „Tvær hliðar á sömu plötunni“ Andri Eysteinsson skrifar 7. desember 2019 16:30 Áður hefur verið sett upp verk um systur Vilhjálms. Elly. Vísir/Hanna Leikverk byggt á ævi söngvarans Vilhjálms Hólmars Vilhjálmssonar verður sett upp á fjölum Borgarleikhússins á næsta leikári. Höfundar verksins eru þeir sömu og settu upp vinsælasta leikverk Borgarleikhússins frá upphafi, Elly. Leikstjóri verksins segir að um sé að ræða aðra hlið á sömu plötunni. Gísli Örn Garðarsson leikstjóri er annar höfunda fyrirhugaðs verks, ásamt Ólafi Agli Egilssyni. Í samtali við Vísi segir Gísli Örn að hugmyndin að verki um Villa hafi sprottið upp áður en að ákveðið var að setja Elly á svið. „Hugmyndin að Villa sprettur upp áður en við ákveðum að setja upp Elly, það eru örugglega komin fimm ár síðan,“ sagði Gísli Örn. Elly sem frumsýnd var í mars 2017 varð með tímanum vinsælasta sýning Borgarleikhússins, ekkert verk hefur verið sýnt jafn oft og yfir hundrað þúsund manns sáu verkið í Borgarleikhúsinu.Lést 33 ára að aldri Gísli segir að líklegast verði stokkað upp í leikaraliðinu. „Nú erum við að stíga skref til baka frá Elly og byrja upp á nýtt.“ Verkið sé þó ekki komið á það stig að nokkuð sé ráðið í þeim efnum. Vilhjálmur Vilhjálmsson fæddist 11. apríl árið 1945 í Merkinesi í Höfnum á Suðurnesjum. Villi var yngstur fimm systkina, Elly var næst elst systkinanna. Villi hóf árið 1965 að syngja með hljómsveit Ingimars Eydal en tónlistin varð aðalstarf Vilhjálms árið 1967. Villi og Elly sungu jafnan saman og kom platan Systkinin Vilhjálmur og Elly syngja saman árið 1969. Unnu þau alls fjórar plötur saman og náðu þær allar miklum vinsældum. Vilhjálmur lauk flugnámi og fluttist búferlum til Lúxemborgar árið 1970. Átta árum síðar lét hann lífið í smáríkinu í sviplegu umferðarslysi. Gísli Örn segir að í verkinu verði ævisagan Villa rakin. „Ævi Vilhjálms varð þó ekki löng, því miður.“ Gísli Örn Garðarson er annar höfunda verksins.Vísir/GettyVinnur að mörgum verkefnum en hlutirnir skýrast eftir áramót Gísli Örn segir að við undirbúningsvinnu verði rétt við þá sem þekktu Vilhjálm, þar á meðal börn hans. „Áður en við settum upp Elly ræddum við alla sem þekktu Villa og Elly og fengum að heyra fullt af sögum,“ segir Gísli og bætir við að nú hefjist það starf aftur. „Við ákváðum að setja Villa upp af því að við þekkjum lögin hans svo vel en þekki hann svo lítið,“ segir Gísli Örn.Ekki er ljóst hvenær verkið verður frumsýnt en Gísli Örn segir að nú fari vinna í hönd og frekari upplýsingar verði til reiðu fljótlega eftir áramót. Nú er verkefnið hjá Gísla Erni hins vegar stórt, að finna Villa.Uppfært klukkan 19:00: Fréttin var uppfærð til að árétta að áætlað er að sýningin verði frumsýnd á næsta leikári Borgarleikhússins, það er árið 2020-2021. Leikhús Reykjavík Tónlist Mest lesið Fjórar dýrindis diskósúpur úr hráefnum sem annars hefði verið hent Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Magnús Árni selur sögufrægt hús með kastalaturni Lífið Hyggjast renna fimmtíu íslenskum lögum inn í karaokívélarnar Lífið Una Torfadóttir með sína útgáfu af Bubbalagi frá 1998 Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira
Leikverk byggt á ævi söngvarans Vilhjálms Hólmars Vilhjálmssonar verður sett upp á fjölum Borgarleikhússins á næsta leikári. Höfundar verksins eru þeir sömu og settu upp vinsælasta leikverk Borgarleikhússins frá upphafi, Elly. Leikstjóri verksins segir að um sé að ræða aðra hlið á sömu plötunni. Gísli Örn Garðarsson leikstjóri er annar höfunda fyrirhugaðs verks, ásamt Ólafi Agli Egilssyni. Í samtali við Vísi segir Gísli Örn að hugmyndin að verki um Villa hafi sprottið upp áður en að ákveðið var að setja Elly á svið. „Hugmyndin að Villa sprettur upp áður en við ákveðum að setja upp Elly, það eru örugglega komin fimm ár síðan,“ sagði Gísli Örn. Elly sem frumsýnd var í mars 2017 varð með tímanum vinsælasta sýning Borgarleikhússins, ekkert verk hefur verið sýnt jafn oft og yfir hundrað þúsund manns sáu verkið í Borgarleikhúsinu.Lést 33 ára að aldri Gísli segir að líklegast verði stokkað upp í leikaraliðinu. „Nú erum við að stíga skref til baka frá Elly og byrja upp á nýtt.“ Verkið sé þó ekki komið á það stig að nokkuð sé ráðið í þeim efnum. Vilhjálmur Vilhjálmsson fæddist 11. apríl árið 1945 í Merkinesi í Höfnum á Suðurnesjum. Villi var yngstur fimm systkina, Elly var næst elst systkinanna. Villi hóf árið 1965 að syngja með hljómsveit Ingimars Eydal en tónlistin varð aðalstarf Vilhjálms árið 1967. Villi og Elly sungu jafnan saman og kom platan Systkinin Vilhjálmur og Elly syngja saman árið 1969. Unnu þau alls fjórar plötur saman og náðu þær allar miklum vinsældum. Vilhjálmur lauk flugnámi og fluttist búferlum til Lúxemborgar árið 1970. Átta árum síðar lét hann lífið í smáríkinu í sviplegu umferðarslysi. Gísli Örn segir að í verkinu verði ævisagan Villa rakin. „Ævi Vilhjálms varð þó ekki löng, því miður.“ Gísli Örn Garðarson er annar höfunda verksins.Vísir/GettyVinnur að mörgum verkefnum en hlutirnir skýrast eftir áramót Gísli Örn segir að við undirbúningsvinnu verði rétt við þá sem þekktu Vilhjálm, þar á meðal börn hans. „Áður en við settum upp Elly ræddum við alla sem þekktu Villa og Elly og fengum að heyra fullt af sögum,“ segir Gísli og bætir við að nú hefjist það starf aftur. „Við ákváðum að setja Villa upp af því að við þekkjum lögin hans svo vel en þekki hann svo lítið,“ segir Gísli Örn.Ekki er ljóst hvenær verkið verður frumsýnt en Gísli Örn segir að nú fari vinna í hönd og frekari upplýsingar verði til reiðu fljótlega eftir áramót. Nú er verkefnið hjá Gísla Erni hins vegar stórt, að finna Villa.Uppfært klukkan 19:00: Fréttin var uppfærð til að árétta að áætlað er að sýningin verði frumsýnd á næsta leikári Borgarleikhússins, það er árið 2020-2021.
Leikhús Reykjavík Tónlist Mest lesið Fjórar dýrindis diskósúpur úr hráefnum sem annars hefði verið hent Lífið „Ég dreg mig í hlé og fer bara og stofna kaffihús“ Lífið Sérfræðingar rýna í Bakgarðshlaupið: „Endamarkið er í hausnum á þér“ Lífið Grænmetisæta í 38 ár en ekki lengur Lífið Kynfræðingur selur slotið á landsbyggðinni Lífið Gefi raunsanna mynd af stefnumótahremmingum trans kvenna Bíó og sjónvarp „Veit ekkert hvernig þessi ferð endar, en ég er samt mjög ánægð með að hafa lagt af stað“ Lífið Magnús Árni selur sögufrægt hús með kastalaturni Lífið Hyggjast renna fimmtíu íslenskum lögum inn í karaokívélarnar Lífið Una Torfadóttir með sína útgáfu af Bubbalagi frá 1998 Lífið Fleiri fréttir Vilja vekja áhuga ungu kynslóðarinnar á töfrum klassískrar tónlistar Hildur, Rán og Ásta fá Barnabókaverðlaun Reykjavíkurborgar Bein útsending: Setning Barnamenningarhátíðar Besti vinur úlfanna hlakkar til að tengjast áhorfendum í Hörpu Nýr safnstjóri Listasafnsins á Akureyri Þau eru tilnefnd til Maístjörnunnar Eigandinn heltekinn af skrímslaverkunum hans Sindra Kveður Tjarnarbíó: „Of lítið og of seint“ Þessi voru tilnefnd til barna- og unglingabókmenntaverðlauna Norðurlandaráðs Vatnið alltaf heillað þrátt fyrir mikla hræðslu Stórglæsilegar stjörnur á Eddunni Á ferð með mömmu hlaut níu Eddur Ætlar aldrei að setjast í helgan stein Sjá meira