Alexis Sanchez spilar ekki aftur fyrr en 2019: „Heyrði það á öskrinu“

Alexis Sanchez er ekki að fara spila með liði Manchester United á næstunni ef marka má orð knattspyrnustjóra hans Jose Mourinho á blaðamannafundi í dag.

Jose Mourinho býst við að Sílemaðurinn verði lengi frá eftir að hann tognaði aftan í læri á æfingu United manna í gær.

Alexis Sanchez er 29 ára gamall og kom til United frá Arsenal þar sem hann var stórsjarna. Það hefur farið minna fyrir þeirri stórstjörnu í búningi Manchester United.

Alexis Sanchez er með eitt mark og tvær stoðsendingar í tólf leikjum með Manchester United í öllum keppnum á þessu tímabili. Einar markið kom á móti Newcastle.

@Alexis_Sanchez out until 2019 for @ManUtd

Jose: 'From the painful scream, I know it's going to be a long time.'

Mourinho also dismisses talk of Sanchez disciplinary issues pic.twitter.com/50aebHpoDh

— Sky Sports News (@SkySportsNews) November 30, 2018

Það má nú búast við að Alexis Sanchez missi af öllum jólamánuðinum og spili ekki með Manchester United liðinu aftur fyrr en á árinu 2019.

„Þetta er ekki einhver lítil vöðvatognun sem hann nær sér góðum af á tíu dögum,“ sagði Jose Mourinho.

„Ég heyrði það á sársaukafullu öskrinu hans að hann verður frá í langan tíma,“ sagði Mourinho.

„Hann er ekki búinn að fara í myndatöku en þetta er reyndur leikmaður sem þekkir svona meiðsli,“ sagði Mourinho.