Messan um van Dijk: Klárlega einn af þremur bestu í deildinni

Virgil van Dijk átti frábæran leik fyrir Liverpool um helgina og er „nánast fullkominn varnarmaður“ að mati sérfræðinga Messunnar á Stöð 2 Sport.

Liverpool og Arsenal skildu jöfn 1-1 í stórleik helgarinnar og er Liverpool því enn taplaust í deildinni. Þá staðreynd hafa þeir að miklu leiti að þakka frábærri spilamennsku Hollendingsins.

„Þvílíkur leikmaður þessi gæi,“ sagði Gunnleifur Gunnleifsson, sérfræðingu Messunnar, þegar van Dijk var ræddur í gær.

„Ég var ekki viss þegar hann kom til Liverpool um áramótin í fyrra en þeir hafa klárlega „scout-að“ hann hárrétt,“ sagði Ríkharður Daðason. „Hann er orðinn klárlega topp 3 í ensku deildinni.“

„Ef ég ætti að nefna einn galla við van Dijk, ég held hann sé nánast fullkominn varnarmaður, þá á hann það til stundum að vera of góður með sig í ákveðnum aðstæðum,“ sagði Gunnleifur.

Alla umræðuna má sjá í klippunni hér að neðan.