„Við myndum kalla þetta smá golu í Breiðholtinu“ Kristinn Páll Teitsson skrifar 1. mars 2018 06:45 Gunnhildur Yrsa Jónsdóttir í baráttunni við Pernille Harder í leiknum í gær. Vísir/EPA Fótbolti Ísland og Danmörk skildu jöfn 0-0 í fyrsta leik liðanna í Algarve-mótinu í knattspyrnu í gær en leikurinn var fyrsti leikur Íslands á þessu sterkasta æfingarmóti heims. Nokkra lykilleikmenn vantaði í íslenska liðið en stelpurnar stóðu vel í silfurliði síðasta Evrópumóts.Spilaðist upp í okkar hendur Íslenska liðið lék með vindinum í fyrri hálfleik og fékk þó nokkur góð færi þó að Danir hafi verið meira með boltann. Í seinni hálfleik lék danska liðið með vindinn í bakið og komust næst því að skora mark þegar Sandra Sigurðardóttir varði skot í slána í upphafi seinni hálfleiks. Danska liðið stýrði leiknum áfram og fékk betri færi í seinni hálfleik en fann ekki leið framhjá Söndru í marki íslenska liðsins og lauk leiknum því með markalausu jafntefli. Freyr Alexandersson, þjálfari íslenska landsliðsins, fann heilmargt jákvætt við leikinn þegar Fréttablaðið heyrði í honum stuttu eftir leik. „Leikurinn spilaðist bara mjög vel og alveg eins og við lögðum upp með, þetta var kaflaskipt en við vorum að takast á við eitt besta lið heims og náðum að loka mjög vel á þær. Í seinni hálfleik fengum inn nokkra óreynda leikmenn sem leystu verkefni sín mjög vel og ég verð að hrósa öllu liðinu í heild sinni,“ sagði Freyr sem var ánægður með einbeitinguna í varnarleiknum í seinni hálfleik þegar liðið lék í mótvindi. „Við vorum að spila hápressu mjög vel og skiptum vel á milli, færslurnar í varnarleiknum voru algjörlega frábærlegar. Það klikkaði á köflum í fyrri hálfleik en þetta var allt annað í seinni. Upplagið okkar í þessum leik var að halda hreinu, fá nokkur færi og þegar þau kæmu að reyna að nýta að minnsta kosti eitt þeirra,“ en Freyr vildi ekki meina að það hefði verið rok þegar veðrið var borið undir hann: „Við myndum kalla þetta smá golu í Breiðholtinu.“ Íslenska liðið hélt sig við 3-5-2 kerfið og þótt það hafi vantað lykilleikmenn í gærkvöldi komu allir inn af krafti.Glódís Perla Viggósdóttir í baráttunni við Pernille Harder.Kljást við stærstu stjörnur heims „Það er kostur kerfisins að það er auðvelt að koma inn í það og breyta því á meðan á leik stendur og það getur hentað okkur vel. Við erum að reyna að bæta liðið og leikmannahópinn fyrir komandi undankeppni og í dag fengu sumir óreyndir leikmenn að kljást við bestu leikmenn heims og gerðu það vel. Nú er það þeirra að halda dampi, það þarf halda einbeitingu því það eru fleiri gríðarlega erfiðir leikir fram undan.“ Næsti leikur liðsins er gegn Japan á föstudaginn, annar erfiður mótherji og stutt hvíld á milli. Freyr sagðist ekki ætla að taka neina áhættu. „Ég geri tíu breytingar, ég ætla ekki að taka neina áhættu með leikmenn þegar það er svona stutt á milli. Það verður erfiður leikur en við þurfum að vera fljót að hefja undirbúninginn því þetta verður annar erfiður leikur. Japanska liðið er öðruvísi, þær eru kvikari og með meiri tækni,“ sagði Freyr en hann sagði úrslit dagsins ekki hafa hjálpað þegar Japan tapaði 6-2 gegn Hollandi. „Það er ekki að hjálpa að þær fengu risa skell gegn besta sóknarliði heims í Hollandi í gær, þær eiga eftir að vilja svara fyrir það gegn okkur en við þurfum bara að vera tilbúin.“ HM 2019 í Frakklandi Mest lesið Faðir Ingebrigtsen barnanna fékk fimmtán daga dóm Sport Frá martraðarbyrjun í draumaendi með mögnuðu sigurpútti Golf Neyddur í legghlífar í Garðabæ en losaði sig strax við þær Íslenski boltinn „Ég vil drepa Manchester United“ Enski boltinn Sló heimsmetið „fyrir ömmu sína“ Sport Jón Þór hættur hjá ÍA Íslenski boltinn Gísli fékk „deja vu“: Árangur sem aðeins Íslendingar hafa náð Handbolti Nýja lið Sveindísar Jane gaf öllum innflytjendatreyjur Fótbolti Hafa ekki efni á að borga „Man United skattinn“ Enski boltinn Leita arftaka Jóns Þórs: „Hann tók þessu með mikilli reisn“ Íslenski boltinn Fleiri fréttir Í beinni: FH - Tindastóll | Sjóðheitir FH-ingar við toppinn Í beinni: Þór/KA - Breiðablik | Stórleikur í Boganum Neyddur í legghlífar í Garðabæ en losaði sig strax við þær María og Haug fá ekki að mæta Íslandi á EM Leita arftaka Jóns Þórs: „Hann tók þessu með mikilli reisn“ Áhorf á kvennaboltann eykst mikið í Noregi en hrynur á Íslandi Jón Þór hættur hjá ÍA „Ég vil drepa Manchester United“ Nýja lið Sveindísar Jane gaf öllum innflytjendatreyjur Baulað stanslaust á Carlos Tevez í góðgerðaleik á Old Trafford Markaveisla Mosfellinga, Blikar á toppi, sigurmark Vestra og öll mörkin í Bestu Hafa ekki efni á að borga „Man United skattinn“ Garnacho vill vera áfram á Englandi „Þó við lentum undir missti enginn móðinn“ Heimir: „Erum of mikið að horfa á leikinn í staðinn fyrir að spila leikinn“ „Hef alltof margar aðrar áhyggjur til að pæla í því“ Evrópumeistarar PSG byrja HM félagsliða af krafti Davíð Snær skoraði og lagði upp Bayern skoraði tíu gegn áhugamannaliðinu frá Nýja-Sjálandi Uppgjörið: Fram - FH 2-0 | Fram nýtti færin gegn FH í kvöld Uppgjörið: Afturelding - ÍA 4-1 | Mosfellingar upp úr fallsæti „Liggjum á þeim allan tímann en inn vildi boltinn ekki“ „Það er trú, power, orka og bara gæði í þessu Fram liði“ Uppgjörið: Valur - Fram 1-2 | Endurkomusigur hjá Fram Uppgjörið: Stjarnan - Þróttur 0-2 | Fyrsta tap toppliðsins kom í Garðabæ Uppgjörið: ÍBV - Breiðablik 0-2 | Blikar ekki í vandræðum í Eyjum Gattuso að taka við ítalska landsliðinu Upgjörið: Vestri - KA 1-0 | Vestri á Ísafirði er alltaf Vestri Uppgjörið: FHL - Víkingur 0-4 | Víkingur valtaði yfir botnliðið „Mjög ryðguð en furðu fljótt fór rykið af mér“ Sjá meira
Fótbolti Ísland og Danmörk skildu jöfn 0-0 í fyrsta leik liðanna í Algarve-mótinu í knattspyrnu í gær en leikurinn var fyrsti leikur Íslands á þessu sterkasta æfingarmóti heims. Nokkra lykilleikmenn vantaði í íslenska liðið en stelpurnar stóðu vel í silfurliði síðasta Evrópumóts.Spilaðist upp í okkar hendur Íslenska liðið lék með vindinum í fyrri hálfleik og fékk þó nokkur góð færi þó að Danir hafi verið meira með boltann. Í seinni hálfleik lék danska liðið með vindinn í bakið og komust næst því að skora mark þegar Sandra Sigurðardóttir varði skot í slána í upphafi seinni hálfleiks. Danska liðið stýrði leiknum áfram og fékk betri færi í seinni hálfleik en fann ekki leið framhjá Söndru í marki íslenska liðsins og lauk leiknum því með markalausu jafntefli. Freyr Alexandersson, þjálfari íslenska landsliðsins, fann heilmargt jákvætt við leikinn þegar Fréttablaðið heyrði í honum stuttu eftir leik. „Leikurinn spilaðist bara mjög vel og alveg eins og við lögðum upp með, þetta var kaflaskipt en við vorum að takast á við eitt besta lið heims og náðum að loka mjög vel á þær. Í seinni hálfleik fengum inn nokkra óreynda leikmenn sem leystu verkefni sín mjög vel og ég verð að hrósa öllu liðinu í heild sinni,“ sagði Freyr sem var ánægður með einbeitinguna í varnarleiknum í seinni hálfleik þegar liðið lék í mótvindi. „Við vorum að spila hápressu mjög vel og skiptum vel á milli, færslurnar í varnarleiknum voru algjörlega frábærlegar. Það klikkaði á köflum í fyrri hálfleik en þetta var allt annað í seinni. Upplagið okkar í þessum leik var að halda hreinu, fá nokkur færi og þegar þau kæmu að reyna að nýta að minnsta kosti eitt þeirra,“ en Freyr vildi ekki meina að það hefði verið rok þegar veðrið var borið undir hann: „Við myndum kalla þetta smá golu í Breiðholtinu.“ Íslenska liðið hélt sig við 3-5-2 kerfið og þótt það hafi vantað lykilleikmenn í gærkvöldi komu allir inn af krafti.Glódís Perla Viggósdóttir í baráttunni við Pernille Harder.Kljást við stærstu stjörnur heims „Það er kostur kerfisins að það er auðvelt að koma inn í það og breyta því á meðan á leik stendur og það getur hentað okkur vel. Við erum að reyna að bæta liðið og leikmannahópinn fyrir komandi undankeppni og í dag fengu sumir óreyndir leikmenn að kljást við bestu leikmenn heims og gerðu það vel. Nú er það þeirra að halda dampi, það þarf halda einbeitingu því það eru fleiri gríðarlega erfiðir leikir fram undan.“ Næsti leikur liðsins er gegn Japan á föstudaginn, annar erfiður mótherji og stutt hvíld á milli. Freyr sagðist ekki ætla að taka neina áhættu. „Ég geri tíu breytingar, ég ætla ekki að taka neina áhættu með leikmenn þegar það er svona stutt á milli. Það verður erfiður leikur en við þurfum að vera fljót að hefja undirbúninginn því þetta verður annar erfiður leikur. Japanska liðið er öðruvísi, þær eru kvikari og með meiri tækni,“ sagði Freyr en hann sagði úrslit dagsins ekki hafa hjálpað þegar Japan tapaði 6-2 gegn Hollandi. „Það er ekki að hjálpa að þær fengu risa skell gegn besta sóknarliði heims í Hollandi í gær, þær eiga eftir að vilja svara fyrir það gegn okkur en við þurfum bara að vera tilbúin.“
HM 2019 í Frakklandi Mest lesið Faðir Ingebrigtsen barnanna fékk fimmtán daga dóm Sport Frá martraðarbyrjun í draumaendi með mögnuðu sigurpútti Golf Neyddur í legghlífar í Garðabæ en losaði sig strax við þær Íslenski boltinn „Ég vil drepa Manchester United“ Enski boltinn Sló heimsmetið „fyrir ömmu sína“ Sport Jón Þór hættur hjá ÍA Íslenski boltinn Gísli fékk „deja vu“: Árangur sem aðeins Íslendingar hafa náð Handbolti Nýja lið Sveindísar Jane gaf öllum innflytjendatreyjur Fótbolti Hafa ekki efni á að borga „Man United skattinn“ Enski boltinn Leita arftaka Jóns Þórs: „Hann tók þessu með mikilli reisn“ Íslenski boltinn Fleiri fréttir Í beinni: FH - Tindastóll | Sjóðheitir FH-ingar við toppinn Í beinni: Þór/KA - Breiðablik | Stórleikur í Boganum Neyddur í legghlífar í Garðabæ en losaði sig strax við þær María og Haug fá ekki að mæta Íslandi á EM Leita arftaka Jóns Þórs: „Hann tók þessu með mikilli reisn“ Áhorf á kvennaboltann eykst mikið í Noregi en hrynur á Íslandi Jón Þór hættur hjá ÍA „Ég vil drepa Manchester United“ Nýja lið Sveindísar Jane gaf öllum innflytjendatreyjur Baulað stanslaust á Carlos Tevez í góðgerðaleik á Old Trafford Markaveisla Mosfellinga, Blikar á toppi, sigurmark Vestra og öll mörkin í Bestu Hafa ekki efni á að borga „Man United skattinn“ Garnacho vill vera áfram á Englandi „Þó við lentum undir missti enginn móðinn“ Heimir: „Erum of mikið að horfa á leikinn í staðinn fyrir að spila leikinn“ „Hef alltof margar aðrar áhyggjur til að pæla í því“ Evrópumeistarar PSG byrja HM félagsliða af krafti Davíð Snær skoraði og lagði upp Bayern skoraði tíu gegn áhugamannaliðinu frá Nýja-Sjálandi Uppgjörið: Fram - FH 2-0 | Fram nýtti færin gegn FH í kvöld Uppgjörið: Afturelding - ÍA 4-1 | Mosfellingar upp úr fallsæti „Liggjum á þeim allan tímann en inn vildi boltinn ekki“ „Það er trú, power, orka og bara gæði í þessu Fram liði“ Uppgjörið: Valur - Fram 1-2 | Endurkomusigur hjá Fram Uppgjörið: Stjarnan - Þróttur 0-2 | Fyrsta tap toppliðsins kom í Garðabæ Uppgjörið: ÍBV - Breiðablik 0-2 | Blikar ekki í vandræðum í Eyjum Gattuso að taka við ítalska landsliðinu Upgjörið: Vestri - KA 1-0 | Vestri á Ísafirði er alltaf Vestri Uppgjörið: FHL - Víkingur 0-4 | Víkingur valtaði yfir botnliðið „Mjög ryðguð en furðu fljótt fór rykið af mér“ Sjá meira