Mourinho sleppur við refsingu fyrir portúgölsku ummælin

Jose Mourinho verður ekki refsað af enska knattspyrnusambandinu fyrir hegðun sína eftir sigur Manchester United á Newcastle í ensku úrvalsdeildinni.

Mourinho á að hafa blótað á portúgölsku í átt að sjónvarpsmyndavél BT Sport. Enska knattspyrnusambandið kærði Mourinho fyrir ummælin eftir að hafa notið aðstoðar varalesara.

Kæran hefur nú verið látin falla niður.

Samkvæmt heimildum BBC komu verjendur Manchester United og Mourinho með sannfærandi rök stjóranum í vil sem dugðu til þess að kæran var látin niður falla.