Ungur miðvörður bjargaði Barcelona fyrir horn gegn C-deildarliði

Það var komið fram í uppbótartíma er Barcelona skoraði sitt eina mark gegn Leonesa í spænsku bikarkeppninni.

Það tók Börsunga heldur betur langan tíma að brjóta niður þéttan varnarmúr Leonesa en Börsungar freistuðu þess að fylgja á eftir góðum sigri gegn Real um helgina.

Í uppbótartímanum kom fyrsta og eina mark leiksins er varnarmaðurinn ungi Clement Lenglet skoraði eftir undirbúning Ousmane Dembele. Lokatölur 1-0.

Börsungar verða því í pottinum í næstu umferð en Real Madrid tryggði sig einnig áfram fyrr í kvöld eins og Vísir hefur greint frá.