VAR notað í Meistaradeildinni eftir áramót

Myndbandsdómgæslutæknin VAR verður notuð í Meistaradeild Evrópu frá og með 16-liða úrslitunum á núverandi tímabili sem hefjast í febrúar.

UEFA staðfesti þetta í hádeginu í dag.

Prófanir hafa farið fram á kerfinu síðustu mánuði og dómarar þjálfaðir í notkun þess.

Aleksander Ceferin, forseti UEFA, var áður mótfallinn notkun VAR en sagði tæknina vera tilbúna til notkunnar fyrr en áætlað er og að „við erum sannfærð um að hún muni gagnast í okkar keppnum og hjálpa dómurunum að koma í veg fyrir rangar ákvarðanir.“

Þá verður VAR notað í úrslitaleik Evrópudeildarinnar, úrslitum Þjóðadeildarinnar í júní og í lokakeppni EM U21 sem fer fram næsta sumar.

CONFIRMED: Video Assistant Referees (VAR) will be used in the @ChampionsLeague from the Round of 16 in Feb 2019 following successful technological testing and the training of referees over the last few months #UEFAExCopic.twitter.com/r3cOzjahUo

— UEFA (@UEFA) December 3, 2018