Fótbolti

Theodór Elmar sat allan tímann á bekknum í sjö marka sigri

Arnar Geir Halldórsson skrifar
Theódór Elmar Bjarnason (18) á fleygiferð í Bandaríkjunum á dögunum. Hann vermdi varamannabekkinn í Tyrklandi í dag.
Theódór Elmar Bjarnason (18) á fleygiferð í Bandaríkjunum á dögunum. Hann vermdi varamannabekkinn í Tyrklandi í dag. Vísir/Sigurjón
Theodór Elmar Bjarnason sat allan tímann á varamannabekk Elazigspor þegar liðið gjörsigraði Manisaspor í tyrknesku B-deildinni í fótbolta í dag. Lokatölur 8-1 en staðan í leikhléi var 2-1.

Elazigspor situr nú í sjöunda sæti deildarinnar, þremur stigum á eftir Boluspor sem er í 6.sæti en það er jafnframt síðasta sætið sem fær keppnisrétt í umspili um sæti í efstu deild.

Theodór Elmar er í harðri baráttu um sæti í landsliðshópi Íslands á HM í Rússlandi en hann kom inná sem varamaður í vináttuleikjunum gegn Perú og Mexíkó í síðustu viku.

Fótbolti

Mest lesið


Fleiri fréttir

Sjá meira


×

Mest lesið