Hefur aldrei verið jafn spenntur Guðný Hrönn skrifar 13. mars 2018 12:00 Bjarki mun skemmta dansþyrstum gestum á Sónar Reykjavík á laugardaginn. Raftónlistarmaðurinn Bjarki Rúnar Sigurðarson mun spila á Sónar Reykjavík um næstu helgi. Hann lofar mikilfenglegri sýningu á stóra sviðinu og segist aldrei hafa verið jafn spenntur. „Um tíu manns munu koma að uppsetningu myndefnis, ljósa og leikmyndar.“ Nú styttist óðfluga í Sónar hátíðina þar sem fjölbreyttur hópur listamanna kemur fram. Í þeim hópi er meðal annars raftónlistarmaðurinn Bjarki Rúnar Sigurðarson. Það hefur farið tiltölulega lítið fyrir Bjarka hér á Íslandi en hann þó búinn að „meika“ það, ef svo má að orði komast, í raftónlistarheiminum og hefur spilað víða um heim á undanförnum árum. Bjarki hefur verið að fikta í tónlist síðan hann man eftir sér. „Ég hef verið að reyna að tjá hugsanir mínar og tilfinningar í gegnum tónlist alveg frá því ég man eftir mér. Ég hef unnið með það hvernig mér líður frá degi til dags í einhvers konar tón-dagbók. Margt sem ég bý til er einungis fyrir sjálfan mig,“ útskýrir Bjarki sem er í dag í fullri vinnu við að búa til og spila tónlist. „Ég vinn með útgáfufyrirtækinu трип records sem gefur út tónlistina mína, en sömuleiðis rek ég mitt eigið útgáfufyrirtæki bbbbbb records með tveimur vinum mínum. Þar einblínum við á að kynna íslenska danstónlist og dægurlög.“Eins og áður sagði hefur frekar lítið farið fyrir Bjarka á Íslandi en hann spilar mestmegnis erlendis. Spurður út í muninn á milli þess að spila á Íslandi og erlendis segir hann: „Íslendingar eru kröfuharðir og hafa ákveðna skoðun á hlutunum, þeir vita hvað þeim finnst gott. Á sama tíma taka þeir hlutunum ekkert of alvarlega eins og fólk sums staðar annars staðar, mér finnst það vera mjög jákvætt.“ „Ég hef mikið gaman af því að grínast og hafa það skemmtilegt, sérstaklega þegar alvarlegir teknó- aðdáendur eru nálægt. Heima á Íslandi get ég verið að spila lag aftur á bak í blandi við Siggu Beinteins og svo eftir það komið með tryllt teknó og allir verða glaðir. Fyrir tveimur árum spilaði ég á tónlistarhátíð í Belgíu þar sem flestir voru að búast við einhverjum alvarlegum teknó tónum en ég spilaði bara tónlist úr Tetris í staðinn. Stundum fer það í taugarnar á mér hvað fólk getur verið búið að ákveða fyrir fram hvað sé að fara gerast.“ Bjarki spilaði á Sónar Reykjavík fyrir tveimur árum, þá í bílakjallaranum. Núna verður hann á stóra sviðinu. Spurður út í hvort það verði mikill munur á tónleikunum hans í ár miðað við fyrir tveimur árum svarar hann játandi. „Já, hugmyndin var að gera eitthvað öðruvísi og útkoman er sú að um tíu manns munu koma að uppsetningu myndefnis, ljósa og leikmyndar. Allt eru þetta vinir mínir sem eru algjörir snillingar og hafa komið mér verulega á óvart síðustu daga. Þetta er í fyrsta skipti sem ég tek þátt í svona stórum undirbúning fyrir tónleikana mína, ég hef aldrei verið jafn spenntur.“ Bjarki tekur fram að hann sé líka mjög spenntur fyrir að sjá tónleikana í bílakjallaranum í ár. „Kjallarinn er eitt af því besta við Sónar og í ár verður þetta enn betra þegar flestir þeir Íslendingar sem spila eru vinir mínir.“ Bjarki bætir við að þeir félagar hjá bbbbbb records verði með útgáfupartí í Lucky Records á miðvikudaginn og þar geta dansþyrstir hitað upp fyrir Sónar. „Þeir sem spila verða EOD, Volruptus, Lord Pusswhip og ég,“ segir Bjarki spenntur. Menning Sónar Tengdar fréttir Skemmta á einum elsta klúbbi í heimi Plötusnúðarnir Addi Exos og Kid Mistik koma fram á Tresor, einum merkilegasta klúbbi í sögu Þýskalands. 4. september 2014 13:30 Gefur út hjá rússneskum plötusnúði Samstarf raftónlistarmannsins Bjarka Rúnars og Ninu Kraviz hófst þegar þau hittust á næturklúbbi í Köben. 25. nóvember 2014 11:00 Mest lesið Nígeríusvindlarinn reyndist vera bróðir hans Lífið Arkitekt dýrasta húss Íslandssögunnar selur í Fossvogi Lífið Cox segir Phoenix ömurlegan sem Napóleon Bíó og sjónvarp Talin ólíklegust til að komast áfram Lífið „Það má segja að þetta sé í raun sorg og uppgjör“ Tónlist Féllust í faðma á tilfinningaríkri stundu Lífið Kom öllum að óvörum með fleiri lögum í nótt Tónlist Á slóðum Arabíu Lárens með Anthony Hopkins Bíó og sjónvarp Valgerður selur íbúðina í Vesturbænum Lífið Mesta hættan í unglingaherberginu Lífið Fleiri fréttir „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Sjá meira
Raftónlistarmaðurinn Bjarki Rúnar Sigurðarson mun spila á Sónar Reykjavík um næstu helgi. Hann lofar mikilfenglegri sýningu á stóra sviðinu og segist aldrei hafa verið jafn spenntur. „Um tíu manns munu koma að uppsetningu myndefnis, ljósa og leikmyndar.“ Nú styttist óðfluga í Sónar hátíðina þar sem fjölbreyttur hópur listamanna kemur fram. Í þeim hópi er meðal annars raftónlistarmaðurinn Bjarki Rúnar Sigurðarson. Það hefur farið tiltölulega lítið fyrir Bjarka hér á Íslandi en hann þó búinn að „meika“ það, ef svo má að orði komast, í raftónlistarheiminum og hefur spilað víða um heim á undanförnum árum. Bjarki hefur verið að fikta í tónlist síðan hann man eftir sér. „Ég hef verið að reyna að tjá hugsanir mínar og tilfinningar í gegnum tónlist alveg frá því ég man eftir mér. Ég hef unnið með það hvernig mér líður frá degi til dags í einhvers konar tón-dagbók. Margt sem ég bý til er einungis fyrir sjálfan mig,“ útskýrir Bjarki sem er í dag í fullri vinnu við að búa til og spila tónlist. „Ég vinn með útgáfufyrirtækinu трип records sem gefur út tónlistina mína, en sömuleiðis rek ég mitt eigið útgáfufyrirtæki bbbbbb records með tveimur vinum mínum. Þar einblínum við á að kynna íslenska danstónlist og dægurlög.“Eins og áður sagði hefur frekar lítið farið fyrir Bjarka á Íslandi en hann spilar mestmegnis erlendis. Spurður út í muninn á milli þess að spila á Íslandi og erlendis segir hann: „Íslendingar eru kröfuharðir og hafa ákveðna skoðun á hlutunum, þeir vita hvað þeim finnst gott. Á sama tíma taka þeir hlutunum ekkert of alvarlega eins og fólk sums staðar annars staðar, mér finnst það vera mjög jákvætt.“ „Ég hef mikið gaman af því að grínast og hafa það skemmtilegt, sérstaklega þegar alvarlegir teknó- aðdáendur eru nálægt. Heima á Íslandi get ég verið að spila lag aftur á bak í blandi við Siggu Beinteins og svo eftir það komið með tryllt teknó og allir verða glaðir. Fyrir tveimur árum spilaði ég á tónlistarhátíð í Belgíu þar sem flestir voru að búast við einhverjum alvarlegum teknó tónum en ég spilaði bara tónlist úr Tetris í staðinn. Stundum fer það í taugarnar á mér hvað fólk getur verið búið að ákveða fyrir fram hvað sé að fara gerast.“ Bjarki spilaði á Sónar Reykjavík fyrir tveimur árum, þá í bílakjallaranum. Núna verður hann á stóra sviðinu. Spurður út í hvort það verði mikill munur á tónleikunum hans í ár miðað við fyrir tveimur árum svarar hann játandi. „Já, hugmyndin var að gera eitthvað öðruvísi og útkoman er sú að um tíu manns munu koma að uppsetningu myndefnis, ljósa og leikmyndar. Allt eru þetta vinir mínir sem eru algjörir snillingar og hafa komið mér verulega á óvart síðustu daga. Þetta er í fyrsta skipti sem ég tek þátt í svona stórum undirbúning fyrir tónleikana mína, ég hef aldrei verið jafn spenntur.“ Bjarki tekur fram að hann sé líka mjög spenntur fyrir að sjá tónleikana í bílakjallaranum í ár. „Kjallarinn er eitt af því besta við Sónar og í ár verður þetta enn betra þegar flestir þeir Íslendingar sem spila eru vinir mínir.“ Bjarki bætir við að þeir félagar hjá bbbbbb records verði með útgáfupartí í Lucky Records á miðvikudaginn og þar geta dansþyrstir hitað upp fyrir Sónar. „Þeir sem spila verða EOD, Volruptus, Lord Pusswhip og ég,“ segir Bjarki spenntur.
Menning Sónar Tengdar fréttir Skemmta á einum elsta klúbbi í heimi Plötusnúðarnir Addi Exos og Kid Mistik koma fram á Tresor, einum merkilegasta klúbbi í sögu Þýskalands. 4. september 2014 13:30 Gefur út hjá rússneskum plötusnúði Samstarf raftónlistarmannsins Bjarka Rúnars og Ninu Kraviz hófst þegar þau hittust á næturklúbbi í Köben. 25. nóvember 2014 11:00 Mest lesið Nígeríusvindlarinn reyndist vera bróðir hans Lífið Arkitekt dýrasta húss Íslandssögunnar selur í Fossvogi Lífið Cox segir Phoenix ömurlegan sem Napóleon Bíó og sjónvarp Talin ólíklegust til að komast áfram Lífið „Það má segja að þetta sé í raun sorg og uppgjör“ Tónlist Féllust í faðma á tilfinningaríkri stundu Lífið Kom öllum að óvörum með fleiri lögum í nótt Tónlist Á slóðum Arabíu Lárens með Anthony Hopkins Bíó og sjónvarp Valgerður selur íbúðina í Vesturbænum Lífið Mesta hættan í unglingaherberginu Lífið Fleiri fréttir „Það má segja að þetta sé í raun sorg og uppgjör“ Kom öllum að óvörum með fleiri lögum í nótt Sest við flygilinn og setur íslenska tónlist í nýjan búning Biðst afsökunar á brösuglegum Coachella-flutningi „Eina sem maður getur virkilega bætt í lífinu er maður sjálfur“ „Ég hef aldrei fylgt reglunum“ Uppselt í þriðja sinn á augabragði Íslandsvinurinn Yung Lean setur stefnuna á risatónleika í Hörpu Inga Sæland með sumarsmell í vasanum Fullur tilhlökkunar fyrir nýjum kafla Nick Cave til Íslands Emelíana Lillý úr FNV vann Söngkeppni framhaldsskólanna Tók símtalið á pabba fyrir Herbert Kaleo gefur út sitt fyrsta lag í þrjú ár Víkingur Heiðar á smáskrifborðstónleikum Æðisleg tilfinning að þurfa ekki að geðjast fólki Fögnuðu ekki bara plötunni með Júlí Heiðari heldur lífinu sjálfu „Fór langt fram úr mínum björtustu vonum“ Draumkennd framtíðarvitrun frá heitustu danssveit landsins Átján ára og stefna langt Súperstjörnur landsins fögnuðu með GDRN Hlustendaverðlaunin 2024: Þegar Sveppi og Ásgeir Orri mættu óvænt á sviðið Ítalski píanistinn Maurizio Pollini látinn Hlustendaverðlaunin 2024: Barnakór tók undir með XXX Rottweiler Níu bónorðsbréf til sömu konunnar innblásturinn að nýjustu plötunni Hlustendaverðlaunin 2024: Tónlistaratriðin sem slógu í gegn Myndaveisla: Margt um dýrðir á Hlustendaverðlaunum 2024 Galið að geyma lagið í skúffunni Frumsýnir nýtt myndband: Auður orðinn Luthersson Selur tösku og eitt eintak af nýrri plötu á eina milljón Sjá meira
Skemmta á einum elsta klúbbi í heimi Plötusnúðarnir Addi Exos og Kid Mistik koma fram á Tresor, einum merkilegasta klúbbi í sögu Þýskalands. 4. september 2014 13:30
Gefur út hjá rússneskum plötusnúði Samstarf raftónlistarmannsins Bjarka Rúnars og Ninu Kraviz hófst þegar þau hittust á næturklúbbi í Köben. 25. nóvember 2014 11:00