Erlent

Bresk prinsessa trúlofast

Atli Ísleifsson skrifar
Eugenie og Jack kynntust í skíðaferðalagi fyrir um sjö árum.
Eugenie og Jack kynntust í skíðaferðalagi fyrir um sjö árum. Vísir/AFP
Breska prinsessan Eugenie hefur trúlofast kærasta sínum til sjö ára, Jack Brooksbank. Frá þessu greindi breska konungsfjölskyldan í morgun.



Eugenie er yngri dóttir Andrésar prins og Söruh Ferguson og er áttunda í röðinni til að erfa bresku krúnuna.



Í yfirlýsingunni segir að Eugenie og Jack hafi trúlofast í Nikaragva fyrr í mánuðinum.



Brúðkaupið mun fara fram næsta haust í kapellu heilags Georgs við Windsorkastala. Brúðkaup Harry Bretaprins og Meghan Markle mun fara fram í sömu kirkju í maí næstkomandi.



Hin 27 ára Eugenie og Jack Brooksbank kynntust fyrir um sjö árum síðan í skíðaferðalagi í svissneska bænum Verbier. Foreldrar þeirra beggja segjast himinlifandi með trúlofunina



Eugenie starfar sem aðstoðarframkvæmdastjóri listagallerís í London, en Brooksbank er framkvæmdastjóri skemmtistaðarins Mahiki í Mayfair.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.