Fótbolti

Sjáðu Usain Bolt koma inná í fyrsta fótboltaleiknum: Liðið hans vann 6-1

Óskar Ófeigur Jónsson skrifar
Usain Bolt í búningi Central Coast Mariners.
Usain Bolt í búningi Central Coast Mariners. Vísir/Getty
Usain Bolt spilaði í dag sinn fyrsta leik með ástralska félaginu Central Coast Mariners en þessi fyrrum fljótasti maður heims er nú að reyna fyrir sér sem knattspyrnumaður.

Eftir leikinn talaði Usain Bolt um að hann þurfi fjóra mánuði til að í sitt besta leikform. Hann vann á sínum tíma átta gullverðlaun á Ólympíuleikum í spretthlaupum en hefur alltaf dreymt um að verða fótboltamaður.

„Ég var svolítið stressaður en um leið og ég var kominn inn á völlinn þá fann ég ekki fyrir stressi,“ sagði Usain Bolt við Fox Sports.

„Ég hefði óskað að fá að komast meira í boltann en ég er ekki kominn í gott leikform og þarf að leggja meira á mig til að ná upp hraðanum,“ sagði Usain Bolt.





Bolt kom inná á 72. mínútu við mikinn fögnuð þeirra sem voru mætt á leikinn.

Bolt, sem lék í treyju númer 95, spilaði alls í 20 mínútur í leiknum en hann byrjaði út á vinstri vængnum. Eftir stuttan tíma þá fór hann inn á miðjuna.

Eina skotið hans kom í uppbótartíma leiksins en varnarmaður komst fyrir það.

9958 mættu á leikinn til að fylgjast með fraumraun Usain Bolt eða um 2500 fleiri en mættu að meðaltali á leiki Central Coast Mariners liðsins á síðustu leiktíð.

Mikill áhugi var á leiknum út um allan heim og hann var sýndur beint í 60 löndum í Afríku, Asíu og Evrópu.







Fótbolti

Mest lesið


Fleiri fréttir

Sjá meira


×

Mest lesið