PSG fylgist með samningamálum Sterling

Raheem Sterling, framherji Manchester City og enska landsliðsins, rennur út af samningi hjá City árið 2020. Viðræður um nýjan samning ganga illa.

Sterling hefur enn ekki skrifað undir nýjan samning við City en margir lykilmenn liðsins hafa skrifað undir nýjan samning á síðustu vikum.

Samningaviðræður Sterling og City ganga hægt en hann er sagður vilja fá risa samning hjá félaginu en Sterling verður 24 ára gamall í desember.

Frönsku risarnir í PSG eru sagðir fylgjast grannt með gangi mála hjá Sterling en nái City ekki að sannfæra Sterling um að vera áfram gætu þurft að selja Sterling til að hann fari ekki frítt.

Sterling skoraði eitt marka Englands er liðið vann 3-2 sigur á Spánverjum í Þjóðadeildinni á mánudagskvöldið.