Mbappe og Neymar fóru meiddir af velli | Vatn á myllu Liverpool?

Tvær af stórstjörnum PSG, Neymar og Kylian Mbappe, eru báðir tæpir vegna meiðsla fyrir stórleik liðsins gegn Liverpool í næstu viku.

Neymar haltraði af velli eftir einungis átta mínútur er Brasilía vann 1-0 sigur á Kamerún í vináttulandsleik í gærkvöldi.

Neymar var tæklaður illa af Edinson Cavani í leik Brasilíu gegn Úrúgvæ í síðustu viku en byrjaði samt leikinn í kvöld. Hann hélst ekki lengi inn á.

Thomas Tuchel hefur ekki verið skemmt í gærkvöldi því annar af hans hættulegustu mönnum, Kylian Mbappe, fór einnig meiddur af velli er Frakkar mættu Úrúgvæ í París.

Mbappe fór meiddur af velli á 36. mínútu en óvíst er hverus alvarleg meiðslin eru hjá þeim báðum. Ástæða er þó til að óttast.

Parísar-liðið fær Liverpool í heimsókn eftir nákvæmlega viku en PSG má ekki tapa þeim leik því annars eru þeir í vondum málum í C-riðli Meistaradeildarinnar.