Snjóbrettakappi bjargaðist frá snjóflóði

Ástralski ævintýramaðurinn Tom Oye komst í hann krappann í Kanada á dögunum. Þar var Oye í mikilli hættu þegar hann lenti í snjóflóði í miðri fjallshlíð. Honum tókst þó að halda sér á yfirborði snjóflóðsins með sérstökum þar til gerðum uppblásanlegum bakpoka.

Á meðfylgjandi myndbandi má sjá hvernig snjóflóðið hefst undir fótum Oye. Hann var mjög fljótur að hugsa og gangsetti bakpokann sem virkar nokkurn veginn eins og öryggispúðar í bílum.

ABC í Ástralíu ræddi við Marlene Oye, sem er amma Tom. Hún segir að fjölskylda Tom og vinir hans hafi safnað saman í púkk til að kaupa umræddan bakpoka, sem nú er sagður hafqa bjargað lífi hans.

Sjálfur viðurkennir Oye að hann hafi verið nokkuð hræddur þegar snjóflóðið fór af stað.