Hvorki tími né pláss fyrir dauðann Guðrún Jóna Stefánsdóttir skrifar 5. apríl 2017 13:47 Vera Wonder Sölvadóttir, kvikmyndagerðarkona þreytir nú frumraun sína í kvikmyndabransanum. Vísir/Eyþór Ég var svo heppin að hafa þaulvant lið í kringum mig. Ég er með rjómann af leikurum landsins en líka hæfileikabúnt fyrir aftan myndavélina,“ segir Vera Wonder Sölvadóttir kvikmyndagerðakona spurð út í hvernig henni hafi tekist upp við að leikstýra fyrstu kvikmynd sinni, en óhætt að segja að vel hafi tekist til. Myndin heitir Líf eftir dauðann og fjallar um miðaldra, ógiftan og barnlausan poppara sem er einkasonur móður sinnar og verulega tæpur á taugum eftir áfengismeðferð. Hann er leikinn af einum þekktasta poppara Íslands, Birni Jörundi Friðbjörnssyni. „Það fer allt úr skorðum í litlum bæ úti á landi þegar fyrirmæli koma frá æðstu stöðum í borginni um að flýta jarðarför eldri konu sem dó daginn áður og verið er að kryfja. Sonur hennar, sem leikinn er af Birni Jörundi, er á leiðinni út til Ríga í Lettlandi til að keppa í Eurovision fyrir Ísland þegar móðir hans deyr skyndilega,“ segir Vera og bætir við að í kjölfarið bresti á hið þekkta íslenska „reddum því syndróm“ og hringt er í æðstu menn þjóðfélagsins til að bjarga málum. Það er hins vegar fólkið í litla bænum úti á landi sem situr í súpunni eða hvað? „Já, myndin er um það hvernig þau reyna sitt besta, en beita samt ýmsum vafasömum ráðum til að redda málunum þegar þessi skyndi-jarðarför setur þéttskipaða dagskrá þeirra í lífsgæðakapphlaupinu í uppnám. Björn Jörundur Friðbjörnsson leikur aðalhlutverkið í myndinni.Tilfinningin sem situr eftir í sögulok er að í neyslusamfélagi nútímans sé hvorki tími né pláss fyrir dauðann,“ segir Vera. Linda Vilhjálmsdóttir handritshöfundur skrifaði handritið með Veru og fæddist hugmyndin fyrir meira en tíu árum. „Við ræddum þessa hugmynd aftur fyrir um þremur árum, tókum verkið upp og þróuðum hugmyndina sem varð svo að þessu handriti sem fer á sjónvarpsskjá landsmanna um páskana,“ segir Vera. Hún segir það hafa komið sér töluvert á óvart hversu vel íslensk kvikmyndaframleiðsla hefur þróast. „Mér finnst íslensk tökulið vera algjörar hetjur. Hér vinnum við í marga daga samfleytt í tólf tíma á dag og það er mikið álag sem fylgir því. Ég ber mikla virðingu fyrir fólki sem starfar í bransanum. Þess vegna langar mig til að nýta tækifærið og klappa fólkinu mínu á bakið,“ segir hún og bætir við að hún og Linda séu nú þegar farnar að þróa næsta handrit sem fjallar um þrjár kynslóðir brotinna kvenna. „Síðan er ég að þróa annað verk með framleiðanda sem ég hef unnið mikið með síðustu ár, Guðrúnu Eddu Þórhannesdóttur. Það er bíómynd sem ég skrifa, en hefur lent í skúffunni nokkrum sinnum. Handritið er hins vegar vel á veg komið og við brettum upp ermarnar með það um leið og færi gefst,“ segir Vera. Mest lesið Gervispilanir tröllríða vinsældarlista Spotify Tónlist Sveitasetur lýtalæknis til sölu: „Eign fyrir fjársterka aðila“ Lífið Forsetakosningar greindar í tætlur á flugvellinum Lífið Flughetja selur slotið með heitum og köldum Lífið Svona er Þjóðhátíðarlagið 2024 Lífið Einföld ráð til að hlaða batteríin yfir sumarið Lífið „Pínu erfitt fyrir viðkvæman listamann“ Tónlist Bríet og Birnir rifu þakið af klúbbnum Tónlist Guðni og Halla fagna saman Lífið Flestir vilja kalla Björn „forsetaherra“ Lífið Fleiri fréttir Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira
Ég var svo heppin að hafa þaulvant lið í kringum mig. Ég er með rjómann af leikurum landsins en líka hæfileikabúnt fyrir aftan myndavélina,“ segir Vera Wonder Sölvadóttir kvikmyndagerðakona spurð út í hvernig henni hafi tekist upp við að leikstýra fyrstu kvikmynd sinni, en óhætt að segja að vel hafi tekist til. Myndin heitir Líf eftir dauðann og fjallar um miðaldra, ógiftan og barnlausan poppara sem er einkasonur móður sinnar og verulega tæpur á taugum eftir áfengismeðferð. Hann er leikinn af einum þekktasta poppara Íslands, Birni Jörundi Friðbjörnssyni. „Það fer allt úr skorðum í litlum bæ úti á landi þegar fyrirmæli koma frá æðstu stöðum í borginni um að flýta jarðarför eldri konu sem dó daginn áður og verið er að kryfja. Sonur hennar, sem leikinn er af Birni Jörundi, er á leiðinni út til Ríga í Lettlandi til að keppa í Eurovision fyrir Ísland þegar móðir hans deyr skyndilega,“ segir Vera og bætir við að í kjölfarið bresti á hið þekkta íslenska „reddum því syndróm“ og hringt er í æðstu menn þjóðfélagsins til að bjarga málum. Það er hins vegar fólkið í litla bænum úti á landi sem situr í súpunni eða hvað? „Já, myndin er um það hvernig þau reyna sitt besta, en beita samt ýmsum vafasömum ráðum til að redda málunum þegar þessi skyndi-jarðarför setur þéttskipaða dagskrá þeirra í lífsgæðakapphlaupinu í uppnám. Björn Jörundur Friðbjörnsson leikur aðalhlutverkið í myndinni.Tilfinningin sem situr eftir í sögulok er að í neyslusamfélagi nútímans sé hvorki tími né pláss fyrir dauðann,“ segir Vera. Linda Vilhjálmsdóttir handritshöfundur skrifaði handritið með Veru og fæddist hugmyndin fyrir meira en tíu árum. „Við ræddum þessa hugmynd aftur fyrir um þremur árum, tókum verkið upp og þróuðum hugmyndina sem varð svo að þessu handriti sem fer á sjónvarpsskjá landsmanna um páskana,“ segir Vera. Hún segir það hafa komið sér töluvert á óvart hversu vel íslensk kvikmyndaframleiðsla hefur þróast. „Mér finnst íslensk tökulið vera algjörar hetjur. Hér vinnum við í marga daga samfleytt í tólf tíma á dag og það er mikið álag sem fylgir því. Ég ber mikla virðingu fyrir fólki sem starfar í bransanum. Þess vegna langar mig til að nýta tækifærið og klappa fólkinu mínu á bakið,“ segir hún og bætir við að hún og Linda séu nú þegar farnar að þróa næsta handrit sem fjallar um þrjár kynslóðir brotinna kvenna. „Síðan er ég að þróa annað verk með framleiðanda sem ég hef unnið mikið með síðustu ár, Guðrúnu Eddu Þórhannesdóttur. Það er bíómynd sem ég skrifa, en hefur lent í skúffunni nokkrum sinnum. Handritið er hins vegar vel á veg komið og við brettum upp ermarnar með það um leið og færi gefst,“ segir Vera.
Mest lesið Gervispilanir tröllríða vinsældarlista Spotify Tónlist Sveitasetur lýtalæknis til sölu: „Eign fyrir fjársterka aðila“ Lífið Forsetakosningar greindar í tætlur á flugvellinum Lífið Flughetja selur slotið með heitum og köldum Lífið Svona er Þjóðhátíðarlagið 2024 Lífið Einföld ráð til að hlaða batteríin yfir sumarið Lífið „Pínu erfitt fyrir viðkvæman listamann“ Tónlist Bríet og Birnir rifu þakið af klúbbnum Tónlist Guðni og Halla fagna saman Lífið Flestir vilja kalla Björn „forsetaherra“ Lífið Fleiri fréttir Þýskur risi í samstarf við ACT4 um gerð Stóra Bróður Balti var í hesthúsinu þegar Jason Statham hringdi Gleði og tilhlökkun fyrir fyrstu Filmu hátíðinni Anora hlaut Gullpálmann í ár Syngja með Grease á fyrstu skynsegin sýningu Íslandssögunnar Balti hélt að Pálmi myndi aldrei mæta Opinbera Hemsworth í hlutverki Geralt Egill mætti með barnabörnin á forsýningu Snertingar Stóðu upp og klöppuðu í fimm mínútur fyrir Ljósbroti Stjörnurnar vilja Spacey úr sjö ára útlegð Fundu föt við hæfi á síðustu stundu fyrir Cannes Fyrsta kitlan úr annarri seríu Rings of Power Sorgin allsráðandi í fyrstu stiklunni úr Ljósbrot Statham og Baltasar sameina krafta sína í væntanlegri hasarmynd Gefi raunsanna mynd af stefnumótahremmingum trans kvenna Potter-stjarna harmar hvernig fór með Rowling Sjá meira