Txiki Begiristain, yfirmaður knattspyrnumála hjá Manchester City, hefur útilokað að félagið muni kaupa Kylian Mbappe frá Monaco úr þessu og segir að það sé ómögulegt.
Hinn átján ára Mbappe hefur verið sterklega orðaður við PSG síðustu vikurnar sem virtist hafa haft betur í kapphlaupinu um kappann við meðal annarra Real Madrid og City.
„Við erum ekki lengur með í kapphlaupinu,“ sagði hann. „Það er ómögulegt að ná þessu á þeim tíma sem eftir er af félagaskiptaglugganum.“
Mbappe skoraði 24 mörk með Monaco á síðasta tímabili en hefur ekki komið við sögu í síðustu tveimur leikjum liðsins. Þá var hann rekinn heim af æfingu á dögunum eftir að hafa rifist við liðsfélaga.
Sjá einnig: Mbappé rekinn heim af síðustu æfingu
Begiristain hefur einnig útilokað þann möguleika að City muni semja við Lionel Messi, eins og einhverjir fjölmiðlar hafa gefið í skyn. „Messi verður áfram hjá Barcelona. Það er fullvíst,“ sagði hann.
City búið að gefast upp á Mbappe
Tengdar fréttir
Fullyrt að Mbappe semji við PSG
Muni elta Brasilíumanninn Neymar til PSG sem er sagt ætla að greiða 180 milljónir evra fyrir ungstirnið.
Hættulegt fyrir frönsku deildina ef Mbappe fer til PSG
Forseti Lyon er ekki hrifinn af því hversu mikið PSG er að taka til sín þessa dagana.
Mbappé ekki í hóp í kvöld
Kylian Mbappé er ekki í leikmannahópi Monaco sem mætir Metz í frönsku úrvalsdeildinni í kvöld.
Mbappé rekinn heim af síðustu æfingu
Kylian Mbappé var rekinn af æfingu Monaco í síðustu viku eftir að hafa rifist við liðsfélaga sinn.
