Bikarúrslitaleikurinn á sama degi og konunglega brúðkaupið

Harry Bretaprins gengur að eiga Meghan Markle laugardaginn 19. maí á næsta ári.

Sama dag fer úrslitaleikur ensku bikarkeppninnar fram.

Vilhjálmur prins verður í erfiðri stöðu því auk þess að vera bróðir og svaramaður Harrys er hann forseti enska knattspyrnusambandsins.

Vilhjálmur verður þó væntanlega frekar í Windsor kastala heldur en á Wembley. Annað væri allavega skrítið.

Vilhjálmur er vanur að vera viðstaddur bikarúrslitaleikinn og afhenda sigurvegaranum bikarinn góða.