Geir Jón segir lögreglu veikari í dag en í Búsáhaldabyltingunni: „Í dag værum við ekki með þann lögreglumassa sem þyrfti á að halda“ Anton Egilsson skrifar 8. desember 2017 21:46 Geir Jón Þórisson, fyrrverandi yfirlögregluþjónn, segir að í því andrúmslofti sem ríkti í samfélaginu á tíma Búsáhaldabyltingarinnar hafi lögreglan unnið kraftaverk með því að koma í veg fyrir að einhverjir skyldu láta lífið. Geir Jón var viðmælandi þáttarins Reykjavík síðdegis á Bylgjunni í dag og var meðal annars inntur eftir svörum um hvort að lögregla hefði sýnt af sér of mikla lin kind í aðgerðum sínum í tengslum við mótmæli á eftirhruns árunum. „Við þurftum að glíma við fordæmalaus mótmæli sem lögregla hafði aldrei áður lent í. Það var ákvörðun að reyna að taka á þessu af eins mikilli mildi og hægt var og það beindist hvað helst að lögreglunni sjálfri,“ sagði Geir Jón. Hann sagði að reynt hafi verið að láta mótmælin á Austurvelli klárast þannig að sem minnst yrði um átök. Þrátt fyrir að einungis örlítill hópur mótmælenda hafi ráðist gegn lögreglumönnum hafi menn alltaf verið mjög smeykir um hvernig hinn fjölmenni hópur sem þar var saman kominn hefði brugðist við handtökum af hálfu lögreglu. Lögregla hafi viljað halda í við hópinn svo að allt færi ekki í bál og brand. „Hvað hefði gerst ef lögreglumenn hefðu vaðið í að handtaka þessa menn ? Við vissum ekki hvað baklandið væri stórt.“Ekki hægt að handtaka alla sem mótmæltu við heimahúsEins og kom fram í frétt Vísis í gær telur Rannveig Rist, forstjóri Alcan á Íslandi, lögreglu og önnur yfirvöld hafi brugðist þegar hún varð fyrir sýruárás í kjölfar mótmæla við heimili hennar árið 2009. Rannveig kærði árásina en málið var látið niður falla. Geir Jón sagðist sagðist ekki þekkja til málalykta í máli Rannveigar en sagði að varðandi mótmæli sem fram fóru við heimahús hafi lögregla reynt að tryggja öryggi fólks til hins ítrasta og halda frá fólki sem hafði sig frammi. „Lögregla fór strax á vettvang á alla þessa staði þegar hún fékk tilkynningu um slíkt. Þið verðið að átta ykkur á því að lögregla gat ekki bara handtekið alla þá sem komu að þessum heimahúsum. Hún reyndi að tryggja öryggi fólksins sem bjó í þessum húsum og halda fólkinu frá en fólkið var náttúrulega á almannafæri. Það voru kannski örfáir sem höfði sig frammi við lögreglu og lögregla reyndi að vísa þeim á burt.“Lögregla veikari í dag en í BúsáhaldabyltingunniAðspurður um hvort að hann hefði eftir á að hyggja viljað gera hlutina öðruvísi sagði Geir Jón: „ Þið verðið að átta ykkur á því að fjöldi lögreglumanna sem kom að þessum aðgerðum voru miklu færri en fólk gerði sér grein fyrir. Við þurftum að beita ýmsu til þess að láta líta svo út að við værum miklu fleiri.“ „Það má eflaust ýmislegt finna að mér og öðrum í lögreglunni en ég held að menn hafi gert það ótrúlega og bara unnið kraftaverk í öllu því andrúmslofti og allri þeirri reiði og öðru sem var í gangi á samfélaginu á þessum tíma að ná að koma í veg fyrir að einhverjir létu lífið. “ Þá sagði hann lögregluna fámennari og veikari í dag en í Búsáhaldabyltingunni. Lögreglumönnum hafi fækkað um í kringum 100 manns frá þeim tíma og þar af um 40-50 manns á höfuðborgarsvæðinu. „Í dag værum við ekki með þann lögreglumassa sem þyrfti á að halda.“ Mest lesið Hver er þessi 28 ára maður sem gæti orðið forsætisráðherra Frakka? Erlent „Þetta var bara eins og hryðjuverk“ Innlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Ferðamaður fannst látinn og þriggja saknað á eyjum Grikklands Erlent Stútfull hátíðardagskrá um allt land á 17. júní Innlent Neita að borga tjón eftir að hafa mokað snjó yfir bíl Innlent Eldur kviknaði í iðnaðarhúsnæði í Hafnarfirði Innlent Fleiri fréttir 8 ára með sinn eigin bíl á bílasýningu á Akureyri Eldur kviknaði í iðnaðarhúsnæði í Hafnarfirði „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Sjá meira
Geir Jón Þórisson, fyrrverandi yfirlögregluþjónn, segir að í því andrúmslofti sem ríkti í samfélaginu á tíma Búsáhaldabyltingarinnar hafi lögreglan unnið kraftaverk með því að koma í veg fyrir að einhverjir skyldu láta lífið. Geir Jón var viðmælandi þáttarins Reykjavík síðdegis á Bylgjunni í dag og var meðal annars inntur eftir svörum um hvort að lögregla hefði sýnt af sér of mikla lin kind í aðgerðum sínum í tengslum við mótmæli á eftirhruns árunum. „Við þurftum að glíma við fordæmalaus mótmæli sem lögregla hafði aldrei áður lent í. Það var ákvörðun að reyna að taka á þessu af eins mikilli mildi og hægt var og það beindist hvað helst að lögreglunni sjálfri,“ sagði Geir Jón. Hann sagði að reynt hafi verið að láta mótmælin á Austurvelli klárast þannig að sem minnst yrði um átök. Þrátt fyrir að einungis örlítill hópur mótmælenda hafi ráðist gegn lögreglumönnum hafi menn alltaf verið mjög smeykir um hvernig hinn fjölmenni hópur sem þar var saman kominn hefði brugðist við handtökum af hálfu lögreglu. Lögregla hafi viljað halda í við hópinn svo að allt færi ekki í bál og brand. „Hvað hefði gerst ef lögreglumenn hefðu vaðið í að handtaka þessa menn ? Við vissum ekki hvað baklandið væri stórt.“Ekki hægt að handtaka alla sem mótmæltu við heimahúsEins og kom fram í frétt Vísis í gær telur Rannveig Rist, forstjóri Alcan á Íslandi, lögreglu og önnur yfirvöld hafi brugðist þegar hún varð fyrir sýruárás í kjölfar mótmæla við heimili hennar árið 2009. Rannveig kærði árásina en málið var látið niður falla. Geir Jón sagðist sagðist ekki þekkja til málalykta í máli Rannveigar en sagði að varðandi mótmæli sem fram fóru við heimahús hafi lögregla reynt að tryggja öryggi fólks til hins ítrasta og halda frá fólki sem hafði sig frammi. „Lögregla fór strax á vettvang á alla þessa staði þegar hún fékk tilkynningu um slíkt. Þið verðið að átta ykkur á því að lögregla gat ekki bara handtekið alla þá sem komu að þessum heimahúsum. Hún reyndi að tryggja öryggi fólksins sem bjó í þessum húsum og halda fólkinu frá en fólkið var náttúrulega á almannafæri. Það voru kannski örfáir sem höfði sig frammi við lögreglu og lögregla reyndi að vísa þeim á burt.“Lögregla veikari í dag en í BúsáhaldabyltingunniAðspurður um hvort að hann hefði eftir á að hyggja viljað gera hlutina öðruvísi sagði Geir Jón: „ Þið verðið að átta ykkur á því að fjöldi lögreglumanna sem kom að þessum aðgerðum voru miklu færri en fólk gerði sér grein fyrir. Við þurftum að beita ýmsu til þess að láta líta svo út að við værum miklu fleiri.“ „Það má eflaust ýmislegt finna að mér og öðrum í lögreglunni en ég held að menn hafi gert það ótrúlega og bara unnið kraftaverk í öllu því andrúmslofti og allri þeirri reiði og öðru sem var í gangi á samfélaginu á þessum tíma að ná að koma í veg fyrir að einhverjir létu lífið. “ Þá sagði hann lögregluna fámennari og veikari í dag en í Búsáhaldabyltingunni. Lögreglumönnum hafi fækkað um í kringum 100 manns frá þeim tíma og þar af um 40-50 manns á höfuðborgarsvæðinu. „Í dag værum við ekki með þann lögreglumassa sem þyrfti á að halda.“
Mest lesið Hver er þessi 28 ára maður sem gæti orðið forsætisráðherra Frakka? Erlent „Þetta var bara eins og hryðjuverk“ Innlent Vitni segir bílinn hafa ekið hratt fram úr sér skömmu fyrir slysið Innlent „Hvernig getur sama fólk snúist svona í skoðunum sínum?“ Innlent Sælkerasveppir ræktaðir í gróðrarstöð í Mosfellsdal Innlent Óttast að Quang Le hafi samband við þolendur Innlent Ferðamaður fannst látinn og þriggja saknað á eyjum Grikklands Erlent Stútfull hátíðardagskrá um allt land á 17. júní Innlent Neita að borga tjón eftir að hafa mokað snjó yfir bíl Innlent Eldur kviknaði í iðnaðarhúsnæði í Hafnarfirði Innlent Fleiri fréttir 8 ára með sinn eigin bíl á bílasýningu á Akureyri Eldur kviknaði í iðnaðarhúsnæði í Hafnarfirði „Þetta var bara eins og hryðjuverk“ „Hvernig getur sama fólk snúist svona í skoðunum sínum?“ Sælkerasveppir ræktaðir í gróðrarstöð í Mosfellsdal Óttast að Quang Le hafi samband við þolendur Vitni segir bílinn hafa ekið hratt fram úr sér skömmu fyrir slysið Altjón í tíu búðum Kringlunnar og undirbúningur fyrir þjóðhátíðardaginn Oddviti Garðarbæjarlistans hættir í Samfylkingunni Neita að borga tjón eftir að hafa mokað snjó yfir bíl Stútfull hátíðardagskrá um allt land á 17. júní „Þetta er stórtjón fyrir okkur“ Parísarhjól sprettur upp við höfnina Stefna á að opna Kringluna á þriðjudag Fá ekki fjármagn til að laga Flóttamannaleiðina fyrr en 2028 Isavia stefnir að því að hefja gjaldtöku í vikunni Það verði „drulluerfitt“ að rífa VG úr lægðinni Jarðaberjarækt í grænum iðngarði í Helguvík Búðareigendur aðstoðuðu slökkviliðsmenn Flúðu vettvang eftir harðan árekstur Slökkvistarf í Kringlunni og staða Vinstri grænna Laxateljari greinir eldislaxa frá villtum löxum Ferðaþjónustan, þingmálin og Running Tide í Sprengisandi Björgunarsveitir sinntu reiðslysi og gönguslysi í gær Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Sjá meira