Sara Björk getur hefnt fyrir tap Stjörnukvenna

Sara Björk Gunnarsdóttir og stöllur hennar í þýska meistaraliðinu Wolfsburg mæta Slavia Prag frá Tékklandi í átta liða úrslitum Meistaradeildar Evrópu en dregið var í dag.

Tékkneska liðið hafði betur gegn Stjörnunni í 16 liða úrslitunum þannig að landsliðsfyrirliðinn getur hefnt fyrir ófarir samlanda sinna í næstu umferð.

Einnig var dregið til undanúrslitanna en komist Wolfsburg þangað mætir það annað hvort Montpellier eða Chelsea. María Þórisdóttir spilar með Chelsea.

Átta liða úrslitin fara fram 21. og 22. mars og 28. og 29. mars.

Átta liða úrslit:

Montpellier – Chelsea

Wolfsburg – Slavia Prag

Manchester City – Linköping

Lyon – Barcelona

Undanúrslit:

Montpellier/​Chelsea – Wolfsburg/​Slavia Prag

Manchester City/​Linköping – Lyon/​Barcelona