Sjáðu það helsta úr bardaga Conors og Mayweather

Bardagi þeirra Conor McGregor og Floyd Mayweather í gær var talsvert betri, og skemmtilegri, en margir áttu von á.

Írinn skilaði fínu verki og lenti um 30 fleiri höggum í 10 lotum en Manny Pacqiuao náði gegn Mayweather í tólf lotum. Mögnuð stðareynd.

Er til kastanna kom leyndi sér ekki hvor er einn besti hnefaleikakappi allra tíma og hver var að keppa sinn fyrsta atvinnumannabardaga í boxi.

Mayweather stóð við stóru orðin og náði að klára Conor en það gerði hann í tíundu lotu. Þá stöðvaði dómarinn bardagann en Mayweather náði þó ekki að slá Írann niður.

Hér að neðan má sjá brot af því helsta sem fór fram í Las Vegas í nótt.