Pogba hjálpar United að kaupa Griezmann sem mun kosta 85 milljónir punda

Manchester United ætlar sér að ganga frá kaupum á franska landsliðsmanninum Antonio Griezmann frá Atlético Madrid í sumar. Það hefur ákveðið að borga riftunarverð hans sem eru 85 milljónir punda en þetta kemur fram í frétt Daily Telegraph í morgun.

José Mourinho er sagður hafa strax á síðasta ári sett það í forgang að kaupa Griezmann í sumar en Old Trafford virðist ansi líklegur næsti áfangastaður hjá þessum magnaða framherja.

Griezmann virðist þó ekkert svakalega spenntur fyrir því að spila á Englandi en hann hefur talað ansi vel um lífið á Spáni að undanförnu og að sama skapi ekkert svo vel um enska veðrið.

Paul Pogba, samherji Griezmann í franska landsliðinu, er þó að hjálpa United og er sagður senda Griezmann skilaboð reglulega um lífið á Englandi og hann þurfi ekki að óttast rigninguna í Manchester.

Antonio Griezmann er búinn að vera einn besti fótboltamaður heims undanfarin misseri en í ár er hann búinn að skora 22 mörk og leggja upp ellefu fyrir Atlético Madrid í öllum keppnum.

Hann var markahæsti leikmaður EM 2016 í Frakklandi á síðustu leiktíð auk þess að vera markahæstur en hann kom svo til greina ásamt Lionel Messi og Cristiano Ronaldo sem besti leikmaður heims á síðasta ári.