Grimmilegt morð á fangaverði náðist á myndband

Alastastia Brynan var skotin til bana þar sem hún sat í bíl sínum. Myndband náðist af því þegar morðinginn gekk upp að bílunum og skaut hana fimm sinnum í höfuðið og skrokkinn. Lögreglan í New York hefur birt myndband af þessu grimmilega morði sem framið var þann 4. desember. Vonast er til þess að vitni stígi fram sem kannist við tvo menn sem grunaðir eru um aðild að morðinu.

Á myndbandinu sem lögreglan birti má einnig sjá bíl sem lögreglan segir að hafi verið notaður til að keyra mönnunum um hverfi Bryan. Hún hafði nýverið byrjað að vinna í fangelsinu á Rikers eyju og var að leggja af stað til vinnu þegar hún var myrt.

Fangelsismálastofnun New York hefur einnig kallað eftir vitnum og verkalýðsfélag fangavarða hefur lofað 50 þúsund dölum fyrir upplýsingar sem leiða til handtöku morðingjans.