Bournemouth vann Everton | Sunderland í frjálsu falli

Fjölmargir leikir fóru fram í ensku úrvalsdeildinni í dag og var hægt að fylgjast með þeim í beinni hér á Vísi. 

Bournemouth vann frábæran sigur á Everton, 1-0, en eina mark leiksins gerði Junior Stanislas. 

Tottenham vann fínan útisigur á nýliðum Middlesbrough en leikurinn fór 2-1 fyrir Spurs. 

Þá vann Crystal Palace frábæran útisigur á Sunderland, 3-2, en það gengur ekkert hjá Sunderland þessa dagana og er liðið í neðsta sæti deildarinnar með 1 stig. Stoke og WBA gerðu síðan 1-1 jafntefli í Stoke.